Petropavlda potrýldik polıııa aldyńǵy búıirlik terezelerinde japsyrmasy bar kólikti toqtatty. Bul týraly Petropavlovsk.news jarııalady, dep habarlaıdy “Adyrna” ulttyq portaly.
Oqıǵa 9 mamyr – Jeńis kúni bolǵan. Kólikke juldyz ben ushaqtyń sýretteri japsyrylǵan bolyp shyqty. Polıııa olardy alyp tastaýdy surady, biraq er adam bas tartty.
Anyqtalǵandaı, bir jyl buryn da osy azamat kóliginiń búıirlik áınekterindegi japsyrmalardy alyp tastaýǵa májbúr bolǵan.
Sotta belgili bolǵandaı, júrgizýshi tártip saqshysynyń kóliktiń aldyńǵy búıirlik áınekterine ornatylǵan juldyz ben ushaqtyń sýretin alyp tastaý týraly zańdy buıryǵyna baǵynbaǵan, sebebi ol kólik júrgizý kezinde kóriniske kedergi keltirgen.
12 mamyrda Petropavl qalasynyń Ákimshilik quqyq buzýshylyq ister jónindegi mamandandyrylǵan soty Qazaqstan Respýblıkasy ÁQBtK-niń 667-babynyń 2-bóliginde kózdelgen quqyq buzýshylyq týraly isti qarady - «Quqyq qorǵaý organy qyzmetkeriniń zańdy buıryǵyna nemese talabyna baǵynbaý, bir jyl ishinde birneshe ret quqyq buzýshylyq týraly». 2022 jyldyń 9 mamyrynda er adam osy baptyń birinshi bóligi boıynsha sottalyp, qamaýǵa alynǵan.
