1 jeltoqsanda Atyrau - Oral tas jolynyŋ 29-şaqyrymynda jol-kölık oqiǧasy boldy, dep habarlaidy «Adyrna» tılşısı.
Oblystyq polisiia departamentınıŋ mälımetınşe, Lada Priora avtokölıgınıŋ jürgızuşısı jolǧa şyqqan jylqyny qaǧyp, artynşa qarsy baǧytta kele jatqan MAN TGX jük kölıgımen soqtyǧysqan.
«Oqiǧa saldarynan 1987 jyly tuǧan jürgızuşı men 1990 jyly tuǧan jolauşy oqiǧa ornynda qaza tapty. Taǧy ekı jolauşy türlı jaraqattarmen auruhanaǧa jetkızıldı. Qazırgı uaqytta qajettı materialdar jinalyp jatyr»,- delıngen habarlamada.
Būdan aldyn «Pavlodar-Qyzylorda» avtojolynda Toiota markaly kölık jol üstınde tūrǧan jylqyǧa soǧylyp, sonda da ekı jolauşy qaza tapqan edı.
TÜNGI JOLDA JYLQY KÖRSEŊIZ, NE ISTEU KEREK?
Tärtıp saqşylary mūndai oqiǧalardyŋ aldyn alu üşın jol qozǧalysyna qatysuşylarǧa jyldamdyq rejimın saqtau, kölık qūralynyŋ tehnikalyq jaǧdaiyn ünemı baqylau maŋyzdy ekenın eske salady. Täjıribelı jürgızuşıler mūndai jaǧdailarda kölık şamynyŋ jaryǧyn azaityp, januardy ürkıtpeuge tyrysady. Alaida mūndai ärekettıŋ saldaryn bılmeitın kei jürgızuşıler, kerısınşe, jaryqty öşırıp-janyp nemese küşeitıp, januardy odan ärı ürkıtıp jıberedı. Közı jaryqqa şaǧylysqan jylqy baǧytynan jaŋylyp, jaryqqa qarai ūmtylyp, soqtyǧysuy mümkın.
Mūndai jaǧdailardyŋ aldyn alu üşın jol-patruldık polisiia qyzmetkerlerı jürgızuşılerge januarlarmen jolda kezdesken kezdegı qauıpsız äreket algoritmderın tüsındıruı jäne ünemı eskertu jūmystaryn jürgızuı maŋyzdy.
