Almatyda Volkswagen kóliginiń kúli kókke ushty

3015
Adyrna.kz Telegram

Almatydaǵy Rysqulov dańǵylynda kólik órtendi, dep habarlaıdy "Adyrna" portaly zakon.kz-ke siltep. 

Volkswagen kóligi shyǵys baǵytta Rysqulov dańǵylymen kele jatqan. Júrgizýshiniń aıtýynsha, kenetten kóliktiń kapotynyń astynan qoıý tútin kóterile bastaǵan. Júrgizýshi joldyń shetine shyǵyp, kólikti júk kóliginiń janyna toqtatty.

Osy kezde Volkswagen lap etti. Kýágerlerdiń kómegine qaramastan kólikti órtten qutqarý múmkin bolmady. Mashına ashyq jalynmen janyp bastady, sodan keıin órt jaqyn jerde turǵan júk kóligine qaraı jyljı bastady.

Folksvagen birneshe mınýt ishinde kúli kókke ushty. Kóliktiń saý tamtyǵy qalmaǵan. Biraq órt sóndirýshiler júk kóligin sóndirip úlgerdi.

Aldyn ala boljam boıynsha kóliktiń qysqa tuıyqtalýy men ózdiginen janýy oryn alǵan. Oqıǵa ornynda jedel járdem qyzmetkerleri jumys jasaýda.

Zardap shekkender joq.

"Adyrna" ulttyq portaly

Pikirler