قر پرەمەر-ءمينيسترى ءاليحان سمايىلوۆ «سامۇرىق-قازىنا» ۇلتتىق ءال-اۋقات قورى» اق ۇجىمىنا جاڭا باسقارما توراعاسىن – نۇرلان جاقىپوۆتى تانىستىردى، دەپ حابارلايدى "ادىرنا" ۇلتتىق پورتالى.
ۇكىمەت باسشىسى قوردىڭ الدىندا ينۆەستيتسيالار تارتۋ، ەنەرگەتيكالىق كەشەندى دامىتۋ، رەسپۋبليكانىڭ ينفراقۇرىلىمدىق، كولىك-لوگيستيكالىق جانە يندۋستريالىق دامۋىن قامتاماسىز ەتۋ بويىنشا اۋقىمدى مىندەتتەر تۇرعانىن اتاپ ءوتتى.
سونىمەن قاتار قور وتاندىق تاۋار وندىرۋشىلەرگە بەلسەندى تۇردە قولداۋ كورسەتىپ، قولايلى جاعداي جاساۋعا ءتيىس، بۇل ۇلتتىق ەكونوميكانىڭ ورنىقتى دامۋ جولىندا نىعايۋىنا مۇمكىندىك بەرەدى.
«ءاربىر ەنشىلەس كومپانيا مەن حولدينگ جۇمىسىنىڭ باسىم باعىتتارى جانە KPI ايقىندالعان، پەرسپەكتيۆالى مىندەتتەر تۇسىنىكتى. قور – ءبىزدىڭ ەلىمىزدە ۇلكەن اكتيۆتەردى باسقاراتىن وتە ماڭىزدى قۇرىلىم. قوردىڭ ءتيىمدى جۇمىسىنا كوپ ماسەلە، اسىرەسە بۇكىل ەكونوميكاعا جانە ەلىمىزدىڭ ودان ءارى دامۋىنا اسەر ەتەتىن ءىرى جوبالار بايلانىستى بولىپ وتىر»، - دەدى ءاليحان سمايىلوۆ. سونداي-اق ۇكىمەت باسشىسى نۇرلان جاقىپوۆ پەن قوردىڭ بارلىق قىزمەتكەرىنىڭ جۇمىستارىنا تابىس تىلەدى.سونىمەن قاتار پرەمەر-مينيستر سوڭعى ەكى جىلدا قوردى باسقارعان الماسادام ساتقاليەۆكە قازاقستان ەكونوميكاسىنىڭ دامۋىنا قوسقان ۇلەسى ءۇشىن العىسىن ءبىلدىردى.
