ەرۇلان جاماۋباەۆ پرەمەر-ءمينيستردىڭ ورىنباسارى – قارجى ءمينيسترى بولىپ قايتا تاعايىندالدى

مەملەكەت باسشىسىنىڭ جارلىعىمەن ەرۇلان كەنجەبەكۇلى جاماۋباەۆ قازاقستان رەسپۋبليكاسى پرەمەر-ءمينيسترىنىڭ ورىنباسارى – قارجى ءمينيسترى لاۋازىمىنا تاعايىندالدى. بۇل تۋرالى "ادىرنا" ۇلتتىق پورتالى اقورداعا سىلتەمە جاساپ حابارلايدى. ەرۇلان جاماۋباەۆ ءوزىنىڭ لاۋازىمدىق مىندەتتەرى اياسىندا كەلەسى ماسەلەلەرگە جاۋاپتى: - قارجى سەكتورى; - ماكروەكونوميكالىق ساياسات; - بيۋدجەت، سالىق جانە كەدەن ساياساتى; - مەملەكەتتىك جوسپارلاۋ جۇيەلەرى; - تاريف ساياساتى; - شاعىن جانە ورتا كاسىپكەرلىكتى دامىتۋ; - مەملەكەتتىك-جەكەشەلىك ارىپتەستىكتى دامىتۋ; - ينۆەستيتسيالىق ساياسات; - تابيعي مونوپوليالاردى رەتتەۋ، باسەكەلەستىكتى دامىتۋ جانە تۇتىنۋشىلاردىڭ قۇقىقتارىن قورعاۋ; - ستاتيستيكا; - جوبالىق باسقارۋدى دامىتۋ; - حالىقارالىق قارجى ينستيتۋتتارىن ۇيلەستىرۋ; - ۇلتتىق بانكپەن ءوزارا ءىس-قيمىل; - «Amanat» پارتياسىنىڭ سايلاۋالدى باعدارلاماسىنىڭ جول كارتاسىن ىسكە اسىرۋ; - بيزنەستىڭ پروبلەمالىق ماسەلەلەرىن شەشۋ، اتاپ ايتقاندا، اكىمشىلىك كەدەرگىلەردى ازايتۋ; - ەكونوميكانى دەمونوپوليزاتسيالاۋ; - ورتا مەرزىمدى كەزەڭگە ارنالعان ەكونوميكالىق ساياسات; - كۆازيمەملەكەتتىك سەكتور سۋبەكتىلەرىنىڭ، ونىڭ ىشىندە «سامۇرىق-قازىنا» ۇلتتىق ءال-اۋقات قورى» اكتسيونەرلىك قوعامىنىڭ جانە ونىڭ پورتفەلدىك كومپانيالارىنىڭ جۇمىسىن رەفورمالاۋ; - شەتەلگە زاڭسىز شىعارىلعان قاراجات پەن ساتىپ الىنعان اكتيۆتەردى قايتارۋ; - «دامۋ» كاسىپكەرلىكتى دامىتۋ قورى» اكتسيونەرلىك قوعامىنىڭ قىزمەتى.