تاراز قالاسىن ىستىق سۋمەن جانە جىلۋمەن قامتاماسىز ەتىپ وتىرعان "تارازەنەرگوورتالىق" اق-نىڭ ەكس-توراعاسى باقبەرگەن ماۋلەنوۆكە ىزدەۋ جاريالاندى. اقپاراتتى جامبىل وبلىسى سوتىنىڭ ءباسپاسوز قىزمەتىنىڭ وكىلدەرى راستادى، - دەپ حابارلايدى "ادىرنا" ۇلتتىق پورتالى Massaget.kz-كە سىلتەمە كورسەتە وتىرىپ.
تۇتاس تاراز قالاسىن ىستىق سۋ جانە جىلۋمەن قامتاماسىز ەتكەن جانە قارجىسىن جىمقىرعان دەگەن ايىپ تاعىلعان باقبەرگەن ماۋلەنوۆتى ىزدەستىرۋ جۇمىستارى باستالدى.
ەستەرىڭىزگە سالا كەتەيىك، "تارازەنەرگوورتالىق" اق بۇرىنعى باسقارما توراعاسى جانە ونىڭ ۇلى، باقىلاۋداعى ۇيىمنىڭ ديرەكتورى راحات بۇلدەش زاڭسىز مونوپوليالىق جولمەن جوعارى كىرىس الۋ ماقساتىندا ۇيىمداسقان قىلمىستىق توپ قۇردى، مەملەكەتكە تيەسىلى 4,3 ميلليارد تەڭگەگە قول سالدى دەگەن كۇدىككە ىلىنگەن ەدى.
بىلتىر ماۋلەنوۆ كەپىلدىكپەن بوساتىلعان ەدى. سوتتىڭ ءباسپاسوز قىزمەتى ونىڭ جاقىندا سوتقا كەلۋگە ءتيىس بولعانىن، بىراق كەلمەگەنىن راستادى.
"سوت قاۋلىسىمەن ىزدەۋ جاريالاندى", - دەپ حابارلادى سوتتىڭ ءباسپاسوز قىزمەتى.
"تارازەنەرگوورتالىق" اق بۇرىنعى باسقارما توراعاسى قاتىستى شاراسى "قاماۋعا الۋمەن" اۋىستىرىلعانى اتاپ ءوتىلدى.
"ادىرنا" ۇلتتىق پورتالى
