ءماجىلىس دەپۋتاتى جيگۋلي دايراباەۆتىڭ ۇلدارى – مارات دايراباەۆ پەن ديدار مولداحالىق مەملەكەتكە 550 ميلليون تەڭگە شىعىن كەلتىردى دەپ ايىپتالىپ، 5 جىلعا شارتتى جازامەن سوتتالعان بولاتىن. ال جامبىل وبلىسى اكىمدىگىنىڭ اۋىل شارۋاشىلىعى باسقارماسى باسشىسىنىڭ ورىنباسارى بولعان ەرلان كۇلەكەەۆتى 6 جىل، ەلجان ەلىباي 5 جىلعا سوتتالدى. بۇل جەردە دەپۋتاتتىڭ ەكى ۇلى جەڭىل جازامەن قۇتىلىپ كەتكەن سەكىلدى. ەكى ۇلىنىڭ جەڭىل جازا الۋىنا جيگۋلي دايراباەۆتىڭ قاتىسى بار ما جانە «اۋىل» پارتياسى ونى دەپۋتاتتىق مانداتتان ايىرا ما؟ وسى جانە وزگە دە سۇراقتاردى «اۋىل» پارتياسىنىڭ اتىنان دەپۋتات بولعان ازاماتتارعا قويدىق.
– ەربولات بايزاقۇلى، جيگۋلي دايراباەۆتىڭ بالاسى ءىستى بولىپ، 5 جىلعا شارتتى جازامەن سوتتالدى. وسىعان بايلانىستى «اۋىل» پارتياسى قانداي شەشىم شىعارادى؟
– قازاقتا ەرتەدەن كەلە جاتقان «اكەنىڭ ىسىنە بالا، بالانىڭ ىسىنە اكە جاۋاپ بەرمەيدى» دەگەن ءسوز بار. ەگەر بالا كامەلەت جاسقا تولماعان بالا بولسا، وندا اتا-اناسى جاۋاپ بەرۋ كەرەك. كامەلەتكە جاسى تولعان ءارى قازاقستان رەسپۋبليكاسىنىڭ ازاماتى قىلمىس جاساسا نەمەسە قاندايدا ءبىر كەمشىلىك جاساسا زاڭ الدىندا ءوزى جاۋاپ بەرەدى. سوندىقتان جيگۋلي دايراباەۆتىڭ بالالارىنىڭ مىناداي ىسكە بارۋىنا بايلانىستى مەن جەكە ءوز باسىم ول كىسى تۋرالى مازالاپ، ارتىق ءسوز ايتقىم كەلمەيدى. ويتكەنى بالا اكەنىڭ ىسىنە، اكە بالانىڭ ىسىنە جاۋاپ بەرمەيدى. ەكەۋى دە كامەلەت جاسقا تولعان ازاماتتار.
– بىراق قازىر الەۋمەتتىك جەلىدە دەپۋتاتتىڭ وتستاۆكاعا كەتۋىن تالاپ ەتىپ جاتىر. الداعى ۋاقىتتا دايراباەۆ مانداتىن تاپسىرىپ بەرە مە؟
– مەنىڭ ويىمشا، مانداتتى تاپسىرۋدىڭ ەشقانداي قاجەتتىلىگى جوق. ويتكەنى جيلۋگي دايراباەۆ وسى ۋاقىتقا دەيىن حالىق ءۇشىن جۇمىس ىستەپ كەلدى. فەرمەرلەر وداعىن قۇرىپ، ونىڭ وسى دەڭگەيگە جەتىپ، اۋىل شارۋاشىلىعىنىڭ دامۋىنا سىڭىرگەن ەڭبەگى زور.
– ەكى بالاسى اۋىل شارۋاشىلىعىنا قاتىستى سۋبسياداعا بايلانىستى ايىپتى بولىپ وتىر. بۇل ىسكە تانىمال اكەسىنىڭ قاتىسى جوق پا؟
– ول جاعىن مەن بىلمەيمىن. وعان ناقتى جاۋاپ بەرە المايمىن. «اۋىل» پارتياسىنىڭ اتىنان ءماجىلىس دەپۋتاتى بولعان اناس باقتىقوجاەۆ ەربولات ساۋرىقوۆ سەكىلدى ارىپتەسىن جاقتاپ وتىر.«ال بالاسى ءۇشىن اكەسى جاۋاپتى ەمەس پە؟» دەگەن سۇراققا باقتىقوجاەۆ «دايراباەۆتىڭ بالالارى ەرەسەك ەكەنىن، كۇنى ەرتەڭ ءوز بالالارى دا نە ىستەيتىنىن بىلمەيتىنىن» ايتتى.«وعان ءمىن تاعا المايمىز. ول مانداتىن تاپسىرمايدى. مەن فراكتسيانىڭ مالىمدەمەسىن ايتىپ وتىرمىن. ونىڭ ابىرويى بار، ارى تازا. ءبىزدىڭ پارتيامىزدىڭ فرونتمەنى. سوندىقتان، فراكتسيا رەتىندە پوزيتسيامىز وسىنداي»، - دەدى اناس باقتىقوجاەۆ.
«ءوزىمنىڭ جۇمىسىم، باعىتىم بار. بىراق بالامنىڭ نە بۇلدىرگەنىن مەن بىلمەيمىن. ادامي فاكتور»، - دەدى ول.جۋرناليستەر باقتىقوجاەۆتان «نە سەبەپتى دايراباەۆ اۋىل شارۋاشىلىعىن دامىتام دەپ ءجۇر، ال ۇلدارى سۋبسيديا ۇرلىعى بويىنشا ۇستالادى، جەكە بايلانىس بار سەكىلدى عوي» دەپ سۇراعان. الايدا باققوجاەۆ بايلانىس بار-جوعىن سوت شەشەتىنىن، سوت شەشىمى بالالارىنا قاتىستى ەكەنىن اتاپ ءوتتى.
«بالالارىنىڭ سوتقا اپەللياتسيا بەرۋگە قۇقىعى بار. ول جاعىن دا ۇمىتپايىق. بىراق ناقتى سوتتىڭ جيگۋلي دايراباەۆقا قاتىستى دەگەن شەشىمى جوق. ءبىز ول تۋرالى بىلەمىز»، - دەيدى ول.الەۋمەتتىك جەلىدە «اۋىل» پارتياسى توراعاسىنىڭ ورىنباسارى جيگۋلي دايراباەۆتىڭ وتستاۆكاعا كەتۋى كەرەكتىگى تۋراسىندا كوپ جازىلا باستادى. وعان سەبەپ – ءبىر ەمەس ەكى ۇلىنىڭ «سۋبسيدياعا بولىنگەن اقشانى جىمقىردى» دەگەن ايىپپەن سوتتالۋى بولىپ وتىر.
