Mäjılıs deputaty Jiguli Dairabaevtyŋ ūldary – Marat Dairabaev pen Didar Moldahalyq memleketke 550 million teŋge şyǧyn keltırdı dep aiyptalyp, 5 jylǧa şartty jazamen sottalǧan bolatyn. Al Jambyl oblysy äkımdıgınıŋ auyl şaruaşylyǧy basqarmasy basşysynyŋ orynbasary bolǧan Erlan Külekeevtı 6 jyl, Eljan Elıbai 5 jylǧa sottaldy. Būl jerde deputattyŋ ekı ūly jeŋıl jazamen qūtylyp ketken sekıldı. Ekı ūlynyŋ jeŋıl jaza aluyna Jiguli Dairabaevtyŋ qatysy bar ma jäne «Auyl» partiiasy ony deputattyq mandattan aiyra ma? Osy jäne özge de sūraqtardy «Auyl» partiiasynyŋ atynan deputat bolǧan azamattarǧa qoidyq.
– Erbolat Baizaqūly, Jiguli Dairabaevtyŋ balasy ıstı bolyp, 5 jylǧa şartty jazamen sottaldy. Osyǧan bailanysty «Auyl» partiiasy qandai şeşım şyǧarady?
– Qazaqta erteden kele jatqan «Äkenıŋ ısıne bala, balanyŋ ısıne äke jauap bermeidı» degen söz bar. Eger bala kämelet jasqa tolmaǧan bala bolsa, onda ata-anasy jauap beru kerek. Kämeletke jasy tolǧan ärı Qazaqstan Respublikasynyŋ azamaty qylmys jasasa nemese qandaida bır kemşılık jasasa zaŋ aldynda özı jauap beredı. Sondyqtan Jiguli Dairabaevtyŋ balalarynyŋ mynadai ıske baruyna bailanysty men jeke öz basym ol kısı turaly mazalap, artyq söz aitqym kelmeidı. Öitkenı bala äkenıŋ ısıne, äke balanyŋ ısıne jauap bermeidı. Ekeuı de kämelet jasqa tolǧan azamattar.
– Bıraq qazır äleumettık jelıde deputattyŋ otstavkaǧa ketuın talap etıp jatyr. Aldaǧy uaqytta Dairabaev mandatyn tapsyryp bere me?
– Menıŋ oiymşa, mandatty tapsyrudyŋ eşqandai qajettılıgı joq. Öitkenı Jilugi Dairabaev osy uaqytqa deiın halyq üşın jūmys ıstep keldı. Fermerler odaǧyn qūryp, onyŋ osy deŋgeige jetıp, auyl şaruaşylyǧynyŋ damuyna sıŋırgen eŋbegı zor.
– Ekı balasy auyl şaruaşylyǧyna qatysty subsiiadaǧa bailanysty aiypty bolyp otyr. Būl ıske tanymal äkesınıŋ qatysy joq pa?
– Ol jaǧyn men bılmeimın. Oǧan naqty jauap bere almaimyn. «Auyl» partiiasynyŋ atynan mäjılıs deputaty bolǧan Anas Baqtyqojaev Erbolat Sauryqov sekıldı ärıptesın jaqtap otyr.«Al balasy üşın äkesı jauapty emes pe?» degen sūraqqa Baqtyqojaev «Dairabaevtyŋ balalary eresek ekenın, künı erteŋ öz balalary da ne ısteitının bılmeitının» aitty.«Oǧan mın taǧa almaimyz. Ol mandatyn tapsyrmaidy. Men fraksiianyŋ mälımdemesın aityp otyrmyn. Onyŋ abyroiy bar, ary taza. Bızdıŋ partiiamyzdyŋ frontmenı. Sondyqtan, fraksiia retınde pozisiiamyz osyndai», - dedı Anas Baqtyqojaev.
«Özımnıŋ jūmysym, baǧytym bar. Bıraq balamnyŋ ne büldırgenın men bılmeimın. Adami faktor», - dedı ol.Jurnalister Baqtyqojaevtan «Ne sebeptı Dairabaev auyl şaruaşylyǧyn damytam dep jür, al ūldary subsidiia ūrlyǧy boiynşa ūstalady, jeke bailanys bar sekıldı ǧoi» dep sūraǧan. Alaida Baqqojaev bailanys bar-joǧyn sot şeşetının, sot şeşımı balalaryna qatysty ekenın atap öttı.
«Balalarynyŋ sotqa apelliasiia beruge qūqyǧy bar. Ol jaǧyn da ūmytpaiyq. Bıraq naqty sottyŋ Jiguli Dairabaevqa qatysty degen şeşımı joq. Bız ol turaly bılemız», - deidı ol.Äleumettık jelıde «Auyl» partiiasy töraǧasynyŋ orynbasary Jiguli Dairabaevtyŋ otstavkaǧa ketuı kerektıgı turasynda köp jazyla bastady. Oǧan sebep – bır emes ekı ūlynyŋ «subsidiiaǧa bölıngen aqşany jymqyrdy» degen aiyppen sottaluy bolyp otyr.
