بۇدان بىلاي بانكنوتالار مەن مونەتالاردا ماتىندەر تەك مەملەكەتتىك تىلدە جازىلادى. بۇل تۋرالى قازاقستان پرەزيدەنتىنىڭ جارلىعىندا ايتىلدى، - دەپ حابارلايدى Tengrinews.kz ءتىلشىسى.
وزگەرىس 2018 جىلدىڭ 12 جەلتوقسانىندا ەنگىزىلگەن. "ۇلتتىق ۆاليۋتا - قازاقستان تەڭگەسى بانكنوتالارى مەن مونەتالارى ديزاينىنىڭ تۇجىرىمداماسىن بەكىتۋ تۋرالى" № 804 جارلىققا ساي بانكنوتا مەن مونەتالاردا قولدانىلاتىن جازبانىڭ ءماتىنى ەندى مەملەكەتتىك تىلدە عانا جازىلادى. ال ينۆەستيتسيالىق جانە كوللەكتسيالىق مونەتالاردا شەت تىلدەردىڭ جازبالارىن قولدانۋعا بولادى.
قۇجاتتىڭ الدىڭعى نۇسقاسىندا بىلاي جازىلعان ەدى: "بانكنوتالار مەن مونەتالاردا مەملەكەتتىك جانە ورىس تىلدەرىندەگى جازۋلار پايدالانىلادى. شەت تىلىندە راسىمدەلەتىن باسقا ەلدەردىڭ تاپسىرىستارى بويىنشا دايىندالاتىن كوللەكتسيالىق مونەتالاردى قوسپاعاندا، كوللەكتسيالىق جانە ينۆەستيتسيالىق مونەتالاردا جازۋلاردىڭ ءماتىنى مەملەكەتتىك، سونداي-اق ورىس نەمەسە شەت تىلدەرىندە رەسىمدەلەدى".
