الەۋمەتتىك جەلىدە قاتارلاستارىنىڭ اياۋسىز تەپكىسىنە ۇشىراعان ءجاسوسپىرىمنىڭ ۆيدەوسى تارادى. تالىپ جاتقان ءجاسوسپىرىمنىڭ اياۋسىز جوققىعا جىعىلعانىن پوليتسيا قىزمەتكەرلەرى "باتپاقتا تايىپ قۇلادى" دەپ مالىمدەگەن. كەيىننەن بەينە-دەرەكتەرگە مونيتورينگ جۇرگىزۋ بارىسىندا وقيعانىڭ وزگەشە سيپاتتا وربىگەنى انىقتالدى، دەپ حابارلايدى "ادىرنا" ۇلتتىق پورتالى.
قىزىلوردا وبلىسىنىڭ كامەلەت جاسىنا تولماعان تۇرعىنى اۋداندىق اۋرۋحاناعا 2023 جىل، 6 ءساۋىر كۇنى تۇسكەن. ۆيدەودا ونى بەلگىسىز توپتىڭ تالىپ جاتقانىنا قاراماستان اياقپەن توپەلەپ جاتقانى بەينەلەنەدى. قىزىلوردا وبلىسىنىڭ پوليتسيا دەپارتامەنتى بۇل جاعدايعا قاتىستى تومەندەگىدەي پىكىر ءبىلدىردى:
- 2023 جىلدىڭ ءساۋىر ايىنىڭ 6 كۇنى اۋداندىق اۋرۋحاناعا كامەلەتكە تولماعان ءجاسوسپىرىمنىڭ كورىنگەندىگى تۋرالى حابارلاما تۇسكەن. اتالعان دەرەك قازالى اۋداندىق پوليتسيا بولىمىنە تىركەلگەن. ءوز ايتۋىنشا، 2023 جىلدىڭ 6 ءساۋىر كۇنى ءجاسوسپىرىم ايتەكە بي كەنتىندەگى ءجالاڭتوس ءباھادۇر اتىنداعى ساياباقتا جاڭبىردان سوڭ تايعاق جولدا جۇگىرىپ، ابايسىزدا قۇلاعان. قازىرگى تاندا ونىڭ جاعدايى قاناعاتتانارلىق، جابىرلەنۋشىنىڭ جانە ونىڭ اتا - انالارى تاراپىنان شاعىم بولماعان.دەگەنمەن الەۋمەتتىك جەلىدەگى وقىرماندار پوليتسيا مالىمدەمەسىنىڭ بۇگىن وزگەرتىلگەنىن ايتادى.دەرەك بويىنشا، قوسىمشا تەكسەرۋ جانە الەۋمەتتىك جەلىلەردى مونيتورينگ جۇرگىزۋ ناتيجەسىندە، بەينەروليكتە كورسەتىلگەن كامەلەتكە تولماعاندى ەكى ءجاسوسپىرىم ۇرىپ-سوققاندىعى انىقتالىپ، قازالى اۋدانى پوليتسيا ءبولىمىنىڭ سوتقا دەيiنگi تەرگەپ تەكسەرۋدىڭ بىرىڭعاي تىزىلىمىنە قازاقستان رەسپۋبليكاسى قىلمىستىق كودەكسىنىڭ 293 بابىنىڭ 2 بولىگىمەن (بۇزاقىلىق) تىركەلىپ، تەرگەپ-تەكسەرۋ ارەكەتتەرى جۇرگىزىلۋدە. ءتيىستى ساراپتامالار تاعايىندالدى. پوليتسيا بولىمىنە كۇدىكتى تۇلعالار جەتكىزىلدى.
- بۇل [دەرەكتەر] بۇگىن وزگەرتىلدى جەلىدە رەزونانس بولعاسىن. جەلى قولدانۋشىسى ۇيتولعان جارەكە.قوعام بەلسەندىسى اسان انارباي وقيعا قاتىستى تومەندەگىدەي پىكىر ءبىلدىردى:
- قورقاۋ شيبورىلەر توبىنان اياۋسىز تاياق جەپ، يت ءولىمشى حالدە سابالعان ءجاسوسپىرىمنىڭ جاعدايىن كورە تۇرا، Qyzylorda PD پوليتسەيلەرى «جاۋىندا تايعاناپ قۇلاعان» دەپ بۇركەي سالدى. بىراق اقپاراتتىق اشىق قوعام بۇعان كوز جۇما المايدى. شىندىق ءتۇبى شىقپاي قويمايدى......ءار ءىس شىنىن تابۋ ءۇشىن رەزونانس كەرەك پە؟
"استانا" تەلەارناسىنىڭ حابارلاۋىنشا، الەۋمەتتىك جەلىلەرگە مونيتوينگ جۇرگىزۋ بارىسىندا ءجاسوسپىرىمدى ەكى ازاماتتىڭ ۇرىپ-سوققانى انىقتالعان. قازىر قازالى اۋداندىق پوليتسيا ءبولىمى بۇل ءىس بويىنشا سوتقا دەيىنگى تەرگەپ-تەكسەرۋ جۇرگىزىپ جاتىر. ءتيىستى ساراپتامالار تاعايىندالعان. كۇدىكتى تۇلعالار پوليتسيا بولىمىنە جەتكىزىلگەن.
"ادىرنا" ۇلتتىق پورتالى
قىزىلوردا
سوققى
ءجاسوسپىرىم
قورلاۋ
قورلىق
قازالى قالاسى
ايتەكە بي كەنتىندەگى ءجالاڭتوس ءباھادۇر اتىنداعى ساياباق
