اقمولا وبلىسىندا قازاقشا كۇرەستەن وتكەن رەسپۋبليكالىق جارىستا جاراقات العان 15 جاستاعى وقۋشى قايتىس بولدى، دەپ حابارلايدى «ادىرنا» ءتىلشىسى.
وقىس وقيعا 7 قىركۇيەكتە ەرەيمەنتاۋدا بولعان. ءساتسىز قيمىل كەزىندە جاس سپورتشى كىلەمگە باسىمەن قۇلاپ، ەسىنەن تانىپ قالعان. زالدا كەزەكشى دارىگەر دەرەۋ العاشقى مەديتسينالىق كومەك كورسەتىپ، جەدەل جاردەم شاقىرعان. جاسوسپىرىمگە كلينيكالىق ءولىم دياگنوزى قويىلعانىمەن، دارىگەرلەردىڭ ارەكەتى ناتيجەسىندە جۇرەك سوعىسى قالپىنا كەلتىرىلگەن.
جاس سپورتشى شۇعىل تۇردە سانيتارلىق اۆياتسيامەن استاناعا جەتكىزىلگەن بولاتىن. دارىگەرلەر ونىڭ ءومىرىن ساقتاپ قالۋ ءۇشىن ءبىر اپتا بويى كۇرەسكەن. الايدا 15 قىركۇيەكتە وقۋشى قايتىس بولدى.
قازىرگى تاڭدا قىلمىستىق ءىس قوزعالدى، وقيعانىڭ سەبەپتەرىنە قاتىستى تەرگەۋ جالعاسىپ جاتىر.
ۇقساس جاڭالىقتار
