قازاقستاننىڭ اۆتوكولىك نارىعى جاڭا برەندپەن تولىقپاق

جاقىندا Allur اۆتوموبيل كومپانياسى مەن Jetour برەندى ءوزارا ستراتەگيالىق كەلىسىمگە قول قويىپ، قازاقستاندا Jetour اۆتوموبيلدەر ءوندىرىسىن باستايتىندارىن مالىمدەدى. بۇقارالىق اقپارات قۇرالدارى وكىلدەرىنىڭ باسىن قوسقان كومپانيا قىزمەتكەرلەرى جاڭا برەندتى تانىستىرىپ، اتقارىلىپ جاتقان جۇمىستاردان جان-جاقتى حاباردار ەتتى. وزىنەن بۇرىن اتى تانىمال بولعان Jetour اۆتوكولىگى قوستاناي قالاسىندا وتاندىق كاسىپورىندا وندىرىلمەك. بۇگىنگە دەيىن كولىك قۇراستىرۋعا، قوسالقى قۇرالداردى تاسىمالداۋعا قاتىستى العىشارتتاردىڭ ءبارى ءساتتى ورىندالعان. Jetour International كومپانياسىنىڭ وڭىرلىك ديرەكتورى دجون ءليدىڭ ايتۋىنشا، قازاقستاندا جاڭا بولعانىمەن بۇل برەند كوپشىلىكتىڭ ىقىلاسىنا بولەنىپ ۇلگەرگەن. ونىڭ ايتۋىنشا، تەك 2018 جىلى Jetour اۆتوكولىگىنىڭ 600 مىڭ داناسى ءوز يەسىن تاپقان. ساندىك قانا ەمەس، ساپالىق تۇرعىدان جۇرتشىلىق كوڭىلىنەن شىققان اۆتوكولىكتى 2022 جىلى ساتىپ الۋشىلار سانى ءتىپتى وسكەن. «2022 جىلى قىتايعا عانا ەمەس، الەمدىك نارىقتا Jetour اۆتوكولىگىنە سۇرانىس بىردەن كوتەرىلدى. بۇل كومپانيا از عانا ۋاقىت ىشىندە ۇلكەن جانە ورتاشا جول تالعامايتىن اۆتوكولىكتەر ساتاتىن قىتايداعى بىرەگەي كومپانيالاردىڭ بىرىنە اينالدى» دەگەن دجون لي اسىرەسە Jetour تەمىر تۇلپارلارى ەكۆادور، ۋرۋگۆاي، ميانما جانە انگولا سەكىلدى بىرنەشە مەملەكەتتە ەڭ ساتىلىمى جوعارى جول تالعامايتىن كولىكتەردىڭ كوش باسىندا تۇرعانىن ماقتانىشپەن ايتتى.

"بۇل كولىكتەر كازاقستان تۇرعىندارىنىڭ قىزىعۋشىلىعا تولىق ساي كەلەدى. ويتكەنى، Jetour-مەن ساياحاتقا شىعۋ ءتيىمدى. ال بۇل ءبىزدىڭ برەندتىڭ ەڭ باستى ەرەكشەلىگى. وسى ارقىلى ءبىز قازاقستاندىق تۇتىنۋشىلارعا باسەكەگە قابىلەتتى، تۇتۋىنۋشى مەن نارىق تالابىنا تولىق بەرەتىن ءونىمدى ۇسىنىپ وتىرمىز»، - دەدى دجون لي.

جوعارىداعى مەموراندۋمعا ساي 2023 جىلدان باستاپ Jetour Qazaqstan كومپانياسى بۇكىل ەل بويىنشا ديلەرلىك ورتالىقتار جەلىسىن قۇرۋدى قولعا العان. العاشقى اۆتوورتالىقتار وسى جىلدىڭ ەكىنشى توقسانىنىڭ باسىندا استانا، الماتى، قاراعاندى، قوستاناي قالالارىندا اشىلادى دەپ كۇتىلۋدە. قازىرگى ۋاقىتتا برەندتىڭ جوعارى ستاندارتتارىنا سايكەس ديلەرلىك كاسىپورىنداردا قىزۋ دايىندىق جۇرگىزىلىپ جاتىر. دايىندىقتىڭ قالاي جۇرگىزىلگەنىن Jetour Qazaqstan-نىڭ باس ديرەكتورى  الەكسەي تانانىكين جان-جاقتى تانىستىرىپ ءوتتى. ونىڭ ايتۋىنشا قازاقستانعا تابان تىرەگىن جاڭا كومپانيانىڭ دايىندىق كەزەڭى تولىق اياقتالىپ، ءوندىرىس باستالىپ تا كەتكەن. سونىڭ ارقاسىندا قازاقستان نارىعىنا قادام جاساعالى وتىرعان جاڭا برەندتەردىڭ باعاسى دا انىقتالىپ قالدى. ازىرگە Jetour برەندىمەن ءتورت ءتۇرلى كولىك نارىققا شىعادى.

«C-SUV سەگمەنتى بويىنشا Jetour X1, ال D-SUV سەگمەنتىنىڭ اياسىندا X70, X70 Plus ي X90 Plus مودەلدەرى شىعارىلادى. ازاماتتارعا بارىنشا ىڭعايلى بولۋى ءۇشىن Jetour  كولىكتەرىن جەڭىلدەتىلگەن نەسيەمەن بەرۋ تەتىكتەرى جاسالۋدا»، - دەگەن الەكسەي تانانىكين جاڭا دۇنيەگە كوز تىگىپ، ەلەڭدەپ وتىرعان كوپشىلىكتى ءبىر قۋانتىپ قويدى.

وسىعان وراي كولىكتەرگە 5 جىلعا كەپىلدىك بەرىلىپ وتىر. سونداي-اق 200 شاقىرىم جۇرگەنگە دەيىن تۇتىنۋشىلار كولىكتەرىن تەگىن كورسەتىپ، تەگىن كومەك الا الادى». كليەنتتەرگە ىڭعايلى بولۋ ءۇشىن 2023 جىلعى 31 ناۋرىزىندا قازاقستانداعى JETOUR-ءدىڭ رەسمي سايتى ىسكە قوسىلادى. جاڭا برەندكە قاتىستى ءوزىن قىزىقتىرعان ساۋالداردىڭ، مازمۇندى اقپاراتتاردىڭ ءبارىن ازاماتتار jetour-auto.kz رەسمي سايتىنان تابا الادى. بۇل سايتتا سونىمەن بىرگە برەندتىڭ قولجەتىمدى مودەلدەرى، ديلەرلىك جەلىسى، قارجىلىق ونىمدەر، ارنايى باعدارلامالار مەن ۇسىنىستار جايلى اقپارات توپتاستىرىلماق. قازىرگى ۋاقىتتا Jetour قحر نارىعىندا كروسسوۆەر شىعارۋعا ماماندانعان، ءارى ەڭ جىلدام دامىپ كەلە جاتقان برەند دەپ ەسەپتەلەدى.