Qazaqstannyŋ avtokölık naryǧy jaŋa brendpen tolyqpaq

Jaqynda Allur avtomobil kompaniiasy men Jetour brendı özara strategiialyq kelısımge qol qoiyp, Qazaqstanda Jetour avtomobilder öndırısın bastaityndaryn mälımdedı. Būqaralyq aqparat qūraldary ökılderınıŋ basyn qosqan kompaniia qyzmetkerlerı jaŋa brendtı tanystyryp, atqarylyp jatqan jūmystardan jan-jaqty habardar ettı. Özınen būryn aty tanymal bolǧan Jetour avtokölıgı Qostanai qalasynda otandyq käsıporynda öndırılmek. Bügınge deiın kölık qūrastyruǧa, qosalqy qūraldardy tasymaldauǧa qatysty alǧyşarttardyŋ bärı sättı oryndalǧan. Jetour International kompaniiasynyŋ öŋırlık direktory Djon Lidıŋ aituynşa, Qazaqstanda jaŋa bolǧanymen būl brend köpşılıktıŋ yqylasyna bölenıp ülgergen. Onyŋ aituynşa, tek 2018 jyly Jetour avtokölıgınıŋ 600 myŋ danasy öz iesın tapqan. Sändık qana emes, sapalyq tūrǧydan jūrtşylyq köŋılınen şyqqan avtokölıktı 2022 jyly satyp aluşylar sany tıptı ösken. «2022 jyly Qytaiǧa ǧana emes, älemdık naryqta Jetour avtokölıgıne sūranys bırden köterıldı. Būl kompaniia az ǧana uaqyt ışınde ülken jäne ortaşa jol talǧamaityn avtokölıkter satatyn Qytaidaǧy bıregei kompaniialardyŋ bırıne ainaldy» degen Djon Li äsırese Jetour temır tūlparlary Ekvador, Urugvai, Mianma jäne Angola sekıldı bırneşe memlekette eŋ satylymy joǧary jol talǧamaityn kölıkterdıŋ köş basynda tūrǧanyn maqtanyşpen aitty.

"Būl kölıkter Kazaqstan tūrǧyndarynyŋ qyzyǧuşylyǧa tolyq sai keledı. Öitkenı, Jetour-men saiahatqa şyǧu tiımdı. Al būl bızdıŋ brendtıŋ eŋ basty erekşelıgı. Osy arqyly bız qazaqstandyq tūtynuşylarǧa bäsekege qabılettı, tūtuynuşy men naryq talabyna tolyq beretın önımdı ūsynyp otyrmyz», - dedı Djon Li.

Joǧarydaǧy memorandumǧa sai 2023 jyldan bastap Jetour Qazaqstan kompaniiasy bükıl el boiynşa dilerlık ortalyqtar jelısın qūrudy qolǧa alǧan. Alǧaşqy avtoortalyqtar osy jyldyŋ ekınşı toqsanynyŋ basynda Astana, Almaty, Qaraǧandy, Qostanai qalalarynda aşylady dep kütılude. Qazırgı uaqytta brendtıŋ joǧary standarttaryna säikes dilerlık käsıporyndarda qyzu daiyndyq jürgızılıp jatyr. Daiyndyqtyŋ qalai jürgızılgenın Jetour Qazaqstan-nyŋ bas direktory  Aleksei Tananykin jan-jaqty tanystyryp öttı. Onyŋ aituynşa Qazaqstanǧa taban tıregın jaŋa kompaniianyŋ daiyndyq kezeŋı tolyq aiaqtalyp, öndırıs bastalyp ta ketken. Sonyŋ arqasynda Qazaqstan naryǧyna qadam jasaǧaly otyrǧan jaŋa brendterdıŋ baǧasy da anyqtalyp qaldy. Äzırge Jetour brendımen tört türlı kölık naryqqa şyǧady.

«C-SUV segmentı boiynşa Jetour X1, al D-SUV segmentınıŋ aiasynda X70, X70 Plus i X90 Plus modelderı şyǧarylady. Azamattarǧa barynşa yŋǧaily boluy üşın Jetour  kölıkterın jeŋıldetılgen nesiemen beru tetıkterı jasaluda», - degen Aleksei Tananykin jaŋa düniege köz tıgıp, eleŋdep otyrǧan köpşılıktı bır quantyp qoidy.

Osyǧan orai kölıkterge 5 jylǧa kepıldık berılıp otyr. Sondai-aq 200 şaqyrym jürgenge deiın tūtynuşylar kölıkterın tegın körsetıp, tegın kömek ala alady». Klientterge yŋǧaily bolu üşın 2023 jylǧy 31 nauryzynda Qazaqstandaǧy JETOUR-dıŋ resmi saity ıske qosylady. Jaŋa brendke qatysty özın qyzyqtyrǧan saualdardyŋ, mazmūndy aqparattardyŋ bärın azamattar jetour-auto.kz resmi saitynan taba alady. Būl saitta sonymen bırge brendtıŋ qoljetımdı modelderı, dilerlık jelısı, qarjylyq önımder, arnaiy baǧdarlamalar men ūsynystar jaily aqparat toptastyrylmaq. Qazırgı uaqytta Jetour QHR naryǧynda krossover şyǧaruǧa mamandanǧan, ärı eŋ jyldam damyp kele jatqan brend dep esepteledı.