ايتىس ونەرى – ۇرپاقتان-ۇرپاققا جالعاسىن تاۋىپ كەلە جاتقان، حالقىمىزدىڭ اسىل مۇراسى. ايتىستىڭ اسقاقتاۋىنا، ولەڭنىڭ وربۋىنە، تاريحىمىزدىڭ تولىعۋىنا تالاي تاماشا ەڭبەكتەرىن مۇرا ەتكەن، ايتىس ونەرىنىڭ التىن دىڭگەگى – ءسۇيىنباي ارونۇلى ەكەنى بارشامىزعا ءمالىم.
اتاقتى ءسۇيىنباي ءبىر عانا جامبىل ەمەس، وزىنەن سوڭعى اقىنداردىڭ بارىنە ۇستاز. عاسىرعا جۋىق تاريحى بار، "ۇستازدار ۇستاحاناسى" بولىپ تابىلاتىن اباي اتىنداعى قازاق ۇلتتىق پەداگوگيكالىق ۋنيۆەرسيتەتى ۇستازدىقتى ۇلىقتاۋ، ۇلتتىق ونەرىمىزدى كەڭىنەن ناسيحاتتاۋ ماقساتىندا 2019 جىلدىڭ 19-20 اقپان كۇندەرى ءداستۇرلى «مەنىڭ ءپىرىم - ءسۇيىنباي» رەسپۋبليكالىق جاس اقىندار ايتىسىن ۇيىمداستىردى.
الامان دودا جاستار جىلى اياسىندا ءوتىپ، ەلىمىزدىڭ 30 جوعارى وقۋ ورنىنان 58 جاس اقىننىڭ باسىن قوستى.
اقىندار ايتىسىن قر ەڭبەك سىڭىرگەن قايراتكەرى، اتاقتى اقىن – ءجۇرسىن ەرمان توراعالىق ەتكەن قازىلار القاسى باعالادى. قازىلار القاسىنىڭ قۇرامىندا قازاقستان رەسپۋبليكاسىنىڭ مادەنيەت قايراتكەرى، حالىقارالىق، رەسپۋبليكالىق ايتىستاردىڭ جۇلدەگەرى، اقىن سەرىك قاليەۆ، قازاقستان جازۋشىلار وداعىنىڭ مۇشەسى، قازاقستان رەسپۋبليكاسىنىڭ مادەنيەت قايراتكەرى ماناربەك ءىزباراساروۆ، رەسپۋبليكالىق جانە حالىقارالىق ايتىس دودالارىنىڭ جەڭىمپازى، ايتىسكەر اقىن رينات زايىتوۆ، قازاق ۇلتتىق ونەر ۋنيۆەرسيتەتىنىڭ وقىتۋشىسى، قر مادەنيەت سالاسىنىڭ ۇزدىگى ايتىسكەر اقىن ەركەبۇلان قاينازاروۆتار بولدى.
ءدۇبىرلى دودادانىڭ ىرىكتەۋ كەزەڭىندە 58 اقىن، ياعني 29 جۇپ باق سىناسىپ، ۇزدىك تانىلعان 20 ۇمىتكەر اقتىق كەزەڭگە جولداما الدى.
اقتىق كەزەڭنىڭ ايتىسى ەلباسىنىڭ «ۇلى دالانىڭ جەتى قىرى» ماقالاسى اياسىندا، ۇستاز مارتەبەسى، ءبىلىم، عىلىم، الەۋمەتتىك سالادا جاستاردى تولعاندىراتىن ماسەلەلەر توڭىرەگىندە ءوربىدى.
ايتىس قورىتىندىسى بويىنشا ءىىى ورىنعا تەڭ ۇپاي جيناعان اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ ستۋدەنتى جەڭىسحان قازىبەك پەن شاكارىم اتىنداعى سەمەي مەملەكەتتىك ۋنيۆەرسيتەتىنىڭ ستۋدەنتى تىلەۋتاي ايشولپان ورنالاسىپ، ءاربىر اقىن 100 000 تەڭگە كولەمىندە قارجىلاي سىياقىمەن ماراپاتتالدى.
ءىى جۇلدەلى ورىندى قازاق ۇلتتىق ونەر ۋنيۆەرسيتەتىنىڭ ستۋدەنتى سوۆەت تورەحان يەلەنىپ، 150 000 تەڭگە كولەمىندە قارجىلاي سىياقىمەن ماراپاتتالدى.
س. امانجولوۆ اتىنداعى شىعىس قازاقستان مەملەكەتتىك ۋنيۆەرسيتەتىنىڭ ستۋدەنتى ماراتبەكوۆا جۇلدىزاي ءى ورىن يەگەرى اتانىپ، 200 000 تەڭگە كولەمىندەگى ماراپاتقا يە بولدى.
الامان ايتىستىڭ باس جۇلدەسىن «قاينار» اكادەمياسىنىڭ ستۋدەنتى اپۋاجانوۆ جاقسىلىق جەڭىپ الىپ، 350 000 تەڭگەمەن قارجىلاي ماراپاتتالدى.
سونىمەن قاتار، اقتىق كەزەڭدە ۇزدىك ونەر كورسەتكەن 6 ايتىسكەر اقىن «اباي قۇنانباەۆ»، «جامبىل جاباەۆ»، «ساكەن سەيفۋللين»، «مالىك عابدۋللين»، «ەرىك اسقاروۆ»، «ورازالى دوسبوسىنوۆ» اتىنداعى ارنايى جۇلدەلەرىمەن جانە 50 000 تەنگە كولەمىندەگى قارجىلاي سىياقىمەن ماراپاتالدى.
وتكىر سوزىمەن، ۇشقىر ويىمەن ەرەكشەلەنگەن 9 اقىن ارنايى نوميناتسيالارعا يە بولىپ، 30 000 تەڭگە كولەمىندە اقشالاي ماراپاتتالدى.
الامان بايگەدە وزىپ شاپقان ءدۇلدۇل اقىندار مەن ايتىستى تاماشالاۋعا كەلگەن بارشا ونەر سۇيەر قاۋىم ۇيىمداستىرۋشىلارعا ءدان ريزاشىلىعىن ءبىلدىردى.
تاعى ءبىر ايتا كەتەتىن جايت، اباي ۋنيۆەرسيتەتىندە رەسپۋبليكالىق ايتىس اياسىندا دارىندى ايتىسكەر اقىن «ورازالى دوسبوسىنوۆ» اتىنداعى جاس اقىندار ورتالىعى اشىلدى. ۋنيۆەرسيتەت تۇلەگى ورازالى دوسبوسىنوۆتىڭ قۇرمەتىنە اشىلعان بۇل ورتالىقتا كەلەشەكتە ويى ۇشقىر، شابىتى شالقار جاس اقىندار لەگى تاربيەلەنىپ، قازاقتىڭ ايتىس ونەرىن دارىپتەۋگە ۇلكەن ۇلەس قوساتىندىعى ءسوزسىز.
اباي اتىنداعى قازۇپۋ-ءنىڭ
تاربيە جۇمىسى جانە
الەۋمەتتىك دامۋ جونىندەگى
پرورەكتورى، پروفەسسور
جاناتبەك ىشپەكباەۆ
