Aitys önerı – ūrpaqtan-ūrpaqqa jalǧasyn tauyp kele jatqan, halqymyzdyŋ asyl mūrasy. Aitystyŋ asqaqtauyna, öleŋnıŋ örbuıne, tarihymyzdyŋ tolyǧuyna talai tamaşa eŋbekterın mūra etken, aitys önerınıŋ altyn dıŋgegı – Süiınbai Aronūly ekenı barşamyzǧa mälım.
Ataqty Süiınbai bır ǧana Jambyl emes, özınen soŋǧy aqyndardyŋ bärıne ūstaz. Ǧasyrǧa juyq tarihy bar, "ūstazdar ūstahanasy" bolyp tabylatyn Abai atyndaǧy Qazaq ūlttyq pedagogikalyq universitetı ūstazdyqty ūlyqtau, ūlttyq önerımızdı keŋınen nasihattau maqsatynda 2019 jyldyŋ 19-20 aqpan künderı dästürlı «Menıŋ pırım - Süiınbai» respublikalyq jas aqyndar aitysyn ūiymdastyrdy.
Alaman doda Jastar jyly aiasynda ötıp, elımızdıŋ 30 joǧary oqu ornynan 58 jas aqynnyŋ basyn qosty.
Aqyndar aitysyn QR eŋbek sıŋırgen qairatkerı, ataqty aqyn – Jürsın Erman töraǧalyq etken qazylar alqasy baǧalady. Qazylar alqasynyŋ qūramynda Qazaqstan Respublikasynyŋ mädeniet qairatkerı, halyqaralyq, respublikalyq aitystardyŋ jüldegerı, aqyn Serık Qaliev, Qazaqstan Jazuşylar odaǧynyŋ müşesı, Qazaqstan Respublikasynyŋ mädeniet qairatkerı Manarbek Izbarasarov, Respublikalyq jäne halyqaralyq aitys dodalarynyŋ jeŋımpazy, aitysker aqyn Rinat Zaiytov, Qazaq ūlttyq öner universitetınıŋ oqytuşysy, QR mädeniet salasynyŋ üzdıgı aitysker aqyn Erkebūlan Qainazarovtar boldy.
Dübırlı dodadanyŋ ırıkteu kezeŋınde 58 aqyn, iaǧni 29 jūp baq synasyp, üzdık tanylǧan 20 ümıtker aqtyq kezeŋge joldama aldy.
Aqtyq kezeŋnıŋ aitysy Elbasynyŋ «Ūly Dalanyŋ jetı qyry» maqalasy aiasynda, ūstaz märtebesı, bılım, ǧylym, äleumettık salada jastardy tolǧandyratyn mäseleler töŋıregınde örbıdı.
Aitys qorytyndysy boiynşa III orynǧa teŋ ūpai jinaǧan Abai atyndaǧy Qazaq ūlttyq pedagogikalyq universitetınıŋ studentı Jeŋıshan Qazybek pen Şäkärım atyndaǧy Semei memlekettık universitetınıŋ studentı Tıleutai Aişolpan ornalasyp, ärbır aqyn 100 000 teŋge kölemınde qarjylai syiaqymen marapattaldy.
II jüldelı oryndy Qazaq ūlttyq öner universitetınıŋ studentı Sovet Törehan ielenıp, 150 000 teŋge kölemınde qarjylai syiaqymen marapattaldy.
S. Amanjolov atyndaǧy Şyǧys Qazaqstan memlekettık universitetınıŋ studentı Maratbekova Jūldyzai I oryn iegerı atanyp, 200 000 teŋge kölemındegı marapatqa ie boldy.
Alaman aitystyŋ Bas jüldesın «Qainar» akademiiasynyŋ studentı Apuajanov Jaqsylyq jeŋıp alyp, 350 000 teŋgemen qarjylai marapattaldy.
Sonymen qatar, aqtyq kezeŋde üzdık öner körsetken 6 aitysker aqyn «Abai Qūnanbaev», «Jambyl Jabaev», «Säken Seifullin», «Mälık Ǧabdullin», «Erık Asqarov», «Orazaly Dosbosynov» atyndaǧy arnaiy jüldelerımen jäne 50 000 tenge kölemındegı qarjylai syiaqymen marapataldy.
Ötkır sözımen, ūşqyr oiymen erekşelengen 9 aqyn arnaiy nominasiialarǧa ie bolyp, 30 000 teŋge kölemınde aqşalai marapattaldy.
Alaman bäigede ozyp şapqan düldül aqyndar men aitysty tamaşalauǧa kelgen barşa öner süier qauym ūiymdastyruşylarǧa dän rizaşylyǧyn bıldırdı.
Taǧy bır aita ketetın jait, Abai universitetınde respublikalyq aitys aiasynda daryndy aitysker aqyn «Orazaly Dosbosynov» atyndaǧy jas aqyndar ortalyǧy aşyldy. Universitet tülegı Orazaly Dosbosynovtyŋ qūrmetıne aşylǧan būl ortalyqta keleşekte oiy ūşqyr, şabyty şalqar jas aqyndar legı tärbielenıp, qazaqtyŋ aitys önerın därıpteuge ülken üles qosatyndyǧy sözsız.
Abai atyndaǧy QazŪPU-nıŋ
Tärbie jūmysy jäne
äleumettık damu jönındegı
prorektory, professor
Janatbek Işpekbaev
