بۇگىن ءماجىلىستىڭ جالپى وتىرىسىندا دەپۋتات ەدىل جاڭبىرشين وسىنداي مالىمدەمە جاسادى، دەپ حابارلايدى "ادىرنا" ۇلتتىق پورتالى.
«كۇنى كەشە ءبىر توپ ماڭعىستاۋلىق مۇنايشىلار وڭىردە ءوز ماسەلەلەلەرى شەشىلمەگەسىن استاناعا كەلدى. وتكەن جىلى دا وسىنداي وقيعا باس قالامىزدا ورىن العان بولاتىن. سونىمەن قاتار كەشەگى سايلاۋالدى ۇگىت-ناسيحات كەزىندە بىرنەشە سەرۆيستىك كومپانيار «سامۇرىق-قازىنا» قورىنىڭ ەرەجەلەرىنىڭ تالاپتارىنىڭ ەسكىرگەنىن جانە قازىرگى جاعدايعا سايكەس كەلمەيتىنىن ايتىپ، شاعىمدانعان بولاتىن. ماسەلەن، ماڭعىستاۋدا ءبىر جاۋاپكەرشىلىگى شەكتەۋلى سەرىكتەستىك جۇمىسسىزدىق بەلەڭ العان جاڭاوزەن قالاسىندا، جەتىباي كەنتىندە، مۇنايلى اۋدانىندا تسەحتار اشىپ، نەگىزىنەن جەرگىلىكتى ايەل ازاماتتاردى تۇراقتى جۇمىسپەن قامتىپ، مۇناي كومپانيالارىنا ارنايى كيىم تىگۋدى قولعا العان بولاتىن. الايدا، جىل سايىن وتەتىن تەندەرلەردىڭ كەسىرىنەن كونتراكت الا الماي قالسا نەمەسە باعا دەمپينگىسىنەن شارت سوماسى ەداۋىر تومەندەسە، 90% جۇمىسشى جۇمىسسىز قالايىن دەپ وتىر»، - دەدى ول.
