قاڭتار وقيعاسىنان كەيىن كورىنبەي كەتكەن اسقار مامين جۇرت الدىنا شىقتى

قازاقستاننىڭ ەكس-پرەمەر-ءمينيسترى اسقار مامين تاشكەنتتەگى حوككەيشىلەردى ماراپاتتاۋ راسىمىنەن كورىندى، دەپ حابارلايدى «ادىرنا» ءتىلشىسى. Pro.ligasy.kz سايتىنىڭ مالىمەتىنشە، وزبەكستان استاناسىندا Parimatch-Pro Hokei Ligasy-نىڭ 2022/23 ماۋسىمىنىڭ جابىلۋ سالتاناتى ءوتتى. ءىس-شاراعا قازاقستاننىڭ بۇرىنعى پرەمەر-ءمينيسترى، حوككەي فەدەراتسياسىنىڭ پرەزيدەنتى اسقار مامين، وزبەكستان حوككەي فەدەراتسياسىنىڭ پرەزيدەنتى باحتيەر فازىلوۆ، قفح باس ديرەكتورى گلەب قاراتاەۆ جانە فحۋ ءبىرىنشى ۆيتسە-پرەزيدەنتى باحودىر گافۋروۆ قاتىستى. قاڭتارداعى وقيعالاردان كەيىن مامين باستاعان ۇكىمەت وتستاۆكاعا كەتتى. بۇعان دەيىن ەكس-پرەمەر-مينيسترگە قاتىستى قىلمىستىق ءىس قوزعالدى دەگەن قاۋەسەت تاراعان بولاتىن. الايدا سىبايلاس جەمقورلىققا قارسى ءىس-قيمىل اگەنتتىگى بۇل اقپاراتتى جوققا شىعاردى.