قاراساي اۋداندىق سوتىنىڭ شەشىمىمەن بولات نازارباەۆتىڭ يەلىگىندە بولعان "بارىس" بازارى قايتارىلدى. سوت شەشىمىمەن جالپى كولەمى 37,6 گەكتار جەر تەلىمدەرىن ("بارىس" اۆتوبازارى) ساتىپ الۋ جانە ساتۋ شارتتارى جارامسىز دەپ تانىلدى، دەپ حابارلايدى "ادىرنا" ۇلتتىق پورتالى.
سوتتىڭ ءباسپاسوز قىزمەتىنىڭ ايتۋىنشا، داۋلى ماسەلەگە قاتىستى ناقتى شەشىم 17 ساۋىردە جاريالانعان. قاراساي اۋدانى پروكۋراتۋراسىنىڭ جەر تەلىمدەرىن ساتۋ تۋرالى شارتتاردى جارامسىز دەپ تانۋ تالاپ-ارىزى قاراستىرىلدى. ناتيجەسىندە، سوت قازىسى احمەتوۆا ا.ب. تالاپ-ارىزدى ماقۇلدادى.
ەستەرىڭىزگە سالا كەتەيىك، پروكۋراتۋرا، جەرگىلىكتى اكىمدىك
جانە بولات نازارباەۆ اراسىنداعى جەر مەنشىگىنە قاتىستى ءىس ناۋرىز سوڭىندا باستالعان ەدى.
دەرەكتەرگە سۇيەنسەك، 2004-2019 جىلدار ارالىعىندا جەر تەلىمدەرىن ساتۋ بويىنشا 7 كەلىسىمشارت جاسالعان. مەملەكەت جەرلەرى ءار ۋاقىتتا قاراساي اۋدانى، قاسكەلەڭ اكىمدىگى جانە اۋداندىق جەر قاتىناستارى بولىمىنە بەرىلگەن.
الايدا جەر تەلىمدەرىن بەرۋ كەزىندە ورەسكەل زاڭبۇزۋشىلىقتار بولعان. سوندىقتان پروكۋرورلار ساتىپ الۋ-ساتۋ كەلىسىمدەرىن جارامسىز دەپ تانىپ، جەردى قايتادان مەملەكەت مەنشىگىنە قايتارۋدى تالاپ ەتتى.
ۇقساس جاڭالىقتار
"ادىرنا" ۇلتتىق پورتالى
جەمقورلىق
اقشا
قاسكەلەڭ
نازارباەۆتار اۋلەتى
بولات نازارباەۆ
سوت شەشىمى
اۋلەت
الەۋمەتتىك پروبلەما
بارىس اۆتوبازارى
قاراساي
