Qarasaı aýdandyq sotynyń sheshimimen Bolat Nazarbaevtyń ıeliginde bolǵan "Barys" bazary qaıtaryldy. Sot sheshimimen jalpy kólemi 37,6 gektar jer telimderin ("Barys" avtobazary) satyp alý jáne satý sharttary jaramsyz dep tanyldy, dep habarlaıdy "Adyrna" ulttyq portaly.
Sottyń baspasóz qyzmetiniń aıtýynsha, daýly máselege qatysty naqty sheshim 17 sáýirde jarııalanǵan. Qarasaı aýdany prokýratýrasynyń jer telimderin satý týraly sharttardy jaramsyz dep taný talap-aryzy qarastyryldy. Nátıjesinde, Sot qazysy Ahmetova A.B. talap-aryzdy maquldady.
Esterińizge sala keteıik, prokýratýra, jergilikti ákimdik jáne Bolat Nazarbaev arasyndaǵy jer menshigine qatysty is naýryz sońynda bastalǵan edi.
Derekterge súıensek, 2004-2019 jyldar aralyǵynda jer telimderin satý boıynsha 7 kelisimshart jasalǵan. Memleket jerleri ár ýaqytta Qarasaı aýdany, Qaskeleń ákimdigi jáne aýdandyq jer qatynastary bólimine berilgen.
Alaıda jer telimderin berý kezinde óreskel zańbuzýshylyqtar bolǵan. Sondyqtan prokýrorlar satyp alý-satý kelisimderin jaramsyz dep tanyp, jerdi qaıtadan memleket menshigine qaıtarýdy talap etti.
"Adyrna" ulttyq portaly
