Bır mandatty okrug boiynşa sailauǧa qatyssaŋ qanşa ketedı? Būl turaly PR mamany, jurnalist Erbol Azanbek eseptep, Facebook paraqşasynda jazdy, dep habarlaidy “Adyrna” ūlttyq portaly.
Onyŋ aituynşa, eseptelgen sifrlar şamamen alynǧan.
“Bır mandatty okrug boiynşa sailauǧa qatyssaŋ qanşa ketedı degendı şamamen eseptep kördık. Tübegeilı qate boluy mümkın. Öitkenı är detalyna üŋılıp, tereŋ zertteu jasalmady. Şamamen qanşa ketedı dep, jäi ǧana eseptep şyǧa saldyq. Sifrlardan qatty ädıldık ızdemeŋız. Şamamen bylai boldy. Işınde jürgender tüzete jatar. Baǧany keŋ molynan aldyq. Tuystyŋ üiınen tamaq ışe salamyz ǧoi demedık. Sonymen, 1 mln 50 myŋ tg jarna. Deputat bolsaŋyz nemese 5% dauys jinap, öte almasaŋyz qaitarylady. Almaty oblysynan tüsetın bolsaŋyz 9 audan, Qonaevty qosqananda 10 delık. Aşyq aqparat joq, Almaty oblysyna 2 mandat berılgen desedı. 4 audanǧa bırden. Sız Kegen, Raiymbek, Eŋbekşıqazaq, Talǧar audanynan tüsesız delık. Kegende 12, Raiymbekte 11, Eŋbekşıqazaq 25, Talǧar audanynda 10 auyl bar delık. Barlyǧy 58. Bır künde 2 auyldyŋ halqymen kezdesuıŋız kerek. 29 kün, şamamen 1 aiyŋyz kezdesuge ketedı. Jaiau baryp, jalǧyz kezdespeisız. Janyŋyzda komanda, igı jaqsylardy ertuıŋız kerek. Eŋ qaşyǧy Raiymbek audanyndaǧy auyldar Almatydan 400-450 şaqyrym. 10 myŋ şaqyrymdai jol jüruıŋız kerek. Aİ -92 baǧasy 172 teŋge, sızge keregı 1 720 000 tg bır maşinǧa benzin. Kemı 3 maşinamen jüresız. 4 mln benzinge deŋız. Tamaq: 28 künge, 3 uaqyt, 10 adamǧa 2 520 000 tg ketedı. Endı eŋ negızgısı, komanda. Är sailau uchaskesınde senımdı ökıl – 58, är uchaskede 2-den baqylauşy. Barlyǧy 174. Tegın bola ma, bılmeimın. Töleu kerek bolsa, 100 myŋnan eseptegende kemı 17 mln qalamaqyǧa. Keŋesşıler, SMM-şı, mobilograf – fotograf, kopiraiter, är auylda erıp jüretın adamdar t.b kemı 10 adam. 2 aiǧa 10 000 000 tg. BAQ, blogerler t.b şyǧyn 10 000 000 tg. Türlı körnekılıkter, futbolka, banner, qalam, messendjerler, äleumettık jelı arqyly taratatyn audio, videorolikter, mätındık habarlamalar, target, ssenarii boiynşa bata beretın şaldarǧa şapan, apaŋa kamzol – 5 mln tg. Barlyǧy: 49 570 000 tg”,- dep jazdy Erbol Azanbek.Sondai-aq, ol osynşa aqşaǧa qandai täjıribe kerek degen saual qoidy.
“Ötıp ketseŋ mūnyŋ qaitarymy ne bolady? Ailyq: ortaşa 700 myŋ delık. 5 jylda bar ailyǧyŋyz 42 000 000 tg. Sosyn öte mol täjıribe, joǧary deŋgeidegı tanystyq, tanymaldylyq, keiın mansaptyq ösu mümkındıgı. Sosyn oŋbaǧandar, tük bıtırmeidı demeu üşın azdap populistık täjıribe. Qaljyŋ. Al ötpeseŋ. Jan-jaqqa sūrau salyp körgenbız. Bır oblysta ötetın 2 adamnyŋ aty-jönı bar, naqty nūsqaulyq bar, al jäi nauqandy qyzdyramyn, jaqsy täjıribe jinaimyn deseŋder, uelkom dedı. 49 mln.ǧa täjıribe kerek pe?”,- dedı ol.
Ūqsas jaŋalyqtar
