Bir mandatty okrýg boıynsha saılaýǵa qatyssań qansha ketedi? Bul týraly PR mamany, jýrnalıst Erbol Azanbek eseptep, Facebook paraqshasynda jazdy, dep habarlaıdy “Adyrna” ulttyq portaly.
Onyń aıtýynsha, eseptelgen ıfrlar shamamen alynǵan.
“Bir mandatty okrýg boıynsha saılaýǵa qatyssań qansha ketedi degendi shamamen eseptep kórdik. Túbegeıli qate bolýy múmkin. Óıtkeni ár detalyna úńilip, tereń zertteý jasalmady. Shamamen qansha ketedi dep, jáı ǵana eseptep shyǵa saldyq. ıfrlardan qatty ádildik izdemeńiz. Shamamen bylaı boldy. Ishinde júrgender túzete jatar.
Baǵany keń molynan aldyq. Týystyń úıinen tamaq ishe salamyz ǵoı demedik. Sonymen, 1 mln 50 myń tg jarna. Depýtat bolsańyz nemese 5% daýys jınap, óte almasańyz qaıtarylady. Almaty oblysynan túsetin bolsańyz 9 aýdan, Qonaevty qosqananda 10 delik.
Ashyq aqparat joq, Almaty oblysyna 2 mandat berilgen desedi. 4 aýdanǵa birden.
Siz Kegen, Raıymbek, Eńbekshiqazaq, Talǵar aýdanynan túsesiz delik. Kegende 12, Raıymbekte 11, Eńbekshiqazaq 25, Talǵar aýdanynda 10 aýyl bar delik. Barlyǵy 58.Bir kúnde 2 aýyldyń halqymen kezdesýińiz kerek. 29 kún, shamamen 1 aıyńyz kezdesýge ketedi. Jaıaý baryp, jalǵyz kezdespeısiz. Janyńyzda komanda, ıgi jaqsylardy ertýińiz kerek. Eń qashyǵy Raıymbek aýdanyndaǵy aýyldar Almatydan 400-450 shaqyrym. 10 myń shaqyrymdaı jol júrýińiz kerek. AI -92 baǵasy 172 teńge, sizge keregi 1 720 000 tg bir mashınǵa benzın. Kemi 3 mashınamen júresiz. 4 mln benzınge deńiz.
Tamaq: 28 kúnge, 3 ýaqyt, 10 adamǵa 2 520 000 tg ketedi.
Endi eń negizgisi, komanda. Ár saılaý ýchaskesinde senimdi ókil – 58, ár ýchaskede 2-den baqylaýshy. Barlyǵy 174. Tegin bola ma, bilmeımin. Tóleý kerek bolsa, 100 myńnan eseptegende kemi 17 mln qalamaqyǵa.
Keńesshiler, SMM-shi, mobılograf – fotograf, kopıraıter, ár aýylda erip júretin adamdar t.b kemi 10 adam. 2 aıǵa 10 000 000 tg. BAQ, blogerler t.b shyǵyn 10 000 000 tg.Túrli kórnekilikter, fýtbolka, banner, qalam, messendjerler, áleýmettik jeli arqyly taratatyn aýdıo, vıdeorolıkter, mátindik habarlamalar, target, senarıı boıynsha bata beretin shaldarǵa shapan, apańa kamzol – 5 mln tg.
Barlyǵy: 49 570 000 tg”,- dep jazdy Erbol Azanbek.
Sondaı-aq, ol osynsha aqshaǵa qandaı tájirıbe kerek degen saýal qoıdy.
“Ótip ketseń munyń qaıtarymy ne bolady? Aılyq: ortasha 700 myń delik. 5 jylda bar aılyǵyńyz 42 000 000 tg. Sosyn óte mol tájirıbe, joǵary deńgeıdegi tanystyq, tanymaldylyq, keıin mansaptyq ósý múmkindigi. Sosyn ońbaǵandar, túk bitirmeıdi demeý úshin azdap popýlıstik tájirıbe. Qaljyń.
Al ótpeseń. Jan-jaqqa suraý salyp kórgenbiz. Bir oblysta ótetin 2 adamnyń aty-jóni bar, naqty nusqaýlyq bar, al jáı naýqandy qyzdyramyn, jaqsy tájirıbe jınaımyn deseńder, ýelkom dedi. 49 mln.ǵa tájirıbe kerek pe?”,- dedi ol.
