«Barlyǵyna qarsymyn» degen joldyń bolýy unady. Bul pikirdi Kavkaz tarıhy ortalyǵynyń dırektory Rızvan Nadjaf ogly Gýseınov Halyqaralyq baıqaýshylarǵa qolǵabys kórsetý ortalyǵyndaǵy brıfıngte aıtty, dep habarlaıdy “Adyrna” ulttyq portaly baq.kz-ke silteme kórsete otyryp.
“Tańerteńnen beri qala ortalyǵyndaǵy saılaý ýchaskelerine bardyq. Qar jaýǵanyna qaramastan, tańǵy saǵat 8.30 kezinde biz barǵan saılaý ýchaskelerinde saılaýshylardyń kelýi 10-12 paıyzdy qurady. Maǵan bıýlletende «barlyǵyna qarsymyn» degen joldyń bolýy unady”, - dedi ol.
Sondaı-aq, ol daýys berýshi barlyǵyna qarsy ekenin bildire alatyny zertteýshiler men áleýmettanýshylar úshin mańyzdy kórsetkish bolatynyn aıtty. Kavkaz Halyqaralyq ýnıversıtetiniń professory, saıasattanýshy Vahtang Maısaıa da bul pikirge qosylyp, saılaýshylardyń belsendiligi jóninde aıtyp ótti.
“Men tańerteńnen bastap 11 saılaý ýchaskesinde boldym. Qazirgi kezeńde saılaýshylardyń belsendiligi ortashadan joǵary. Qazaqstanda aldynǵy prezıdent saılaýynda da baqylaýshy bolǵan bolatynmyn. Ol kezde kelýshiler úlesi tipti joǵary bolǵan”, - dedi ol.
Sonymen qatar, Vahtang Maısaıa volonterlar jumysy men saılaý mádenıetiniń jastar tarapynan joǵary ekenin aıtty. Ol barǵan saılaý ýchaskelerinde oryndyqtardyń jetpeýi sııaqty tehnıkalyq eskertý ǵana bolǵanyn jetkizdi.
