الماتى وبلىسىنىڭ وڭىرلىك دامۋ ورتالىعىندا "ستوكسون" پولياك كومپانياسىنىڭ وكىلىمەن كەزدەسۋ ءوتتى، دەپ حابارلايدى ورتالىقتىڭ ءباسپاسوز قىزمەتى.
تاراپتار جوبانى ىسكە اسىرۋ - الماتى وبلىسىندا كونديتەرلىك زاۋىت اشۋ جانە جالپى اۋدانى 5 گا جەر ۋچاسكەسىن ءبولۋ سالاسىندا مەملەكەتتىك قولداۋدىڭ ىقتيمال شارالارىن كورسەتۋ ماسەلەسىن تالقىلادى.
"الماتى وبلىسىنىڭ وڭىرلىك دامۋ ورتالىعىنىڭ وكىلدەرى كاسىپكەرلەرگە كەڭەس بەردى. سونداي-اق ءتيىستى جەر ۋچاسكەسىن (5 گا) ىزدەۋ جانە ىرىكتەۋ بولىگىندە جاردەم كورسەتۋ تۋرالى شەشىم قابىلداندى، ورنالاسۋ نۇسقالارى ۇسىنىلدى، كوممۋنالدىق ينفراقۇرىلىمدى جۇرگىزۋ سالاسىنداعى مەملەكەتتىك قولداۋ شارالارى ءتۇسىندىرىلدى", - دەلىنگەن حابارلامادا."ستوكسون" - پولياك كونديتەرلىك ونىمدەرىنىڭ ەڭ ءىرى زاۋىتتارىنىڭ ءبىرى. 30 جىل ىشىندە كومپانيا ونىمدەردى ىشكى نارىققا جەتكىزەدى، سونىمەن قاتار الەمنىڭ 40-تان استام ەلىنە ەكسپورتتايدى. كومپانيا اۆتوماتتاندىرىلعان جوعارى تەحنولوگيالىق وندىرىستىك جابدىقتى پايدالانادى. بۇعان دەيىن اتالعان كومپانيانىڭ وكىلدەرى استانادا جۇزەگە اسىرىلۋى ءتيىس قۇنى 5 ملن ەۋرو بولاتىن جوبانى ىسكە اسىرۋدى جوسپارلاپ وتىرعانى حابارلانعان بولاتىن. كاسىپورىن 100-دەن استام جۇمىس ورنىن اشۋعا نيەتتەنىپ وتىر. ونىمدەر ىشكى نارىققا جەتكىزىلەدى، سونىمەن قاتار كورشى ەلدەردى دە قامتيدى. جوبانى ىسكە اسىرۋ مەرزىمى - 2023 جىل. Stokson كومپانياسىنىڭ قۇرىلتايشىلارى گەنريك ستوكلوسا مەن ماتەۋش ستوكلوسا قازاقستاندا وندىرىستىك كەشەننىڭ اشىلۋى قازاقستان ەكونوميكاسىنا وڭ اسەر ەتەدى، سونداي-اق كومپانيانىڭ الەمدىك نارىقتارداعى وكىلدىگىن كەڭەيتۋدە ماڭىزدى ءرول اتقارادى دەپ سانايدى، ويتكەنى بۇل كومپانيانىڭ العاشقى ينۆەستيتسيالىق جوباسى.
