Almaty oblysynyŋ Öŋırlık damu ortalyǧynda "Stokson" poliak kompaniiasynyŋ ökılımen kezdesu öttı, dep habarlaidy Ortalyqtyŋ baspasöz qyzmetı.
Taraptar jobany ıske asyru - Almaty oblysynda konditerlık zauyt aşu jäne jalpy audany 5 ga jer uchaskesın bölu salasynda memlekettık qoldaudyŋ yqtimal şaralaryn körsetu mäselesın talqylady.
"Almaty oblysynyŋ Öŋırlık damu ortalyǧynyŋ ökılderı käsıpkerlerge keŋes berdı. Sondai-aq tiıstı jer uchaskesın (5 ga) ızdeu jäne ırıkteu bölıgınde järdem körsetu turaly şeşım qabyldandy, ornalasu nūsqalary ūsynyldy, kommunaldyq infraqūrylymdy jürgızu salasyndaǧy memlekettık qoldau şaralary tüsındırıldı", - delıngen habarlamada."Stokson" - poliak konditerlık önımderınıŋ eŋ ırı zauyttarynyŋ bırı. 30 jyl ışınde kompaniia önımderdı ışkı naryqqa jetkızedı, sonymen qatar älemnıŋ 40-tan astam elıne eksporttaidy. Kompaniia avtomattandyrylǧan joǧary tehnologiialyq öndırıstık jabdyqty paidalanady. Būǧan deiın atalǧan kompaniianyŋ ökılderı Astanada jüzege asyryluy tiıs qūny 5 mln euro bolatyn jobany ıske asyrudy josparlap otyrǧany habarlanǧan bolatyn. Käsıporyn 100-den astam jūmys ornyn aşuǧa niettenıp otyr. Önımder ışkı naryqqa jetkızıledı, sonymen qatar körşı elderdı de qamtidy. Jobany ıske asyru merzımı - 2023 jyl. Stokson kompaniiasynyŋ qūryltaişylary Genrik Stoklosa men Mateuş Stoklosa Qazaqstanda öndırıstık keşennıŋ aşyluy Qazaqstan ekonomikasyna oŋ äser etedı, sondai-aq kompaniianyŋ älemdık naryqtardaǧy ökıldıgın keŋeitude maŋyzdy röl atqarady dep sanaidy, öitkenı būl kompaniianyŋ alǧaşqy investisiialyq jobasy.
