تۇركيا پرەزيدەنتى تايىپ ەردوعان اسقازان اۋرۋىمەن اۋىرعاننان كەيىن العاش رەت تۇركيانىڭ بىرقاتار تەلەارنالارىنا سۇحبات بەردى. ول ءوزىن قازىرگى تاڭدا جاقسى سەزىنەتىنىن ايتتى، - دەپ حابارلايدى "ادىرنا" پورتالى ريا نوۆوستيگە سىلتەمە جاساپ.
تۇركيا باسشىسى سايلاۋ ناۋقانى جوسپارعا ساي ءوتىپ جاتقانىن دا اتاپ ءوتتى. 14 مامىردا ەلدە پرەزيدەنتتىك جانە پارلامەنتتىك سايلاۋ وتەدى.
ەسكە سالايىق، رەجەپ تايىپ ەردوعان ءساۋىردىڭ 26-سى كۇنى جەرگىلىكتى Kanal 7 جانە Ülke TV ارنالارىنا تىكەلەي ەفيردە سۇحبات بەرۋ ساتىندە، پرەزيدەنتتىڭ كەنەت سىرقاتتانىپ قالۋىنا بايلانىستى ەفير ۇزىلگەن بولاتىن.
باعدارلامانىڭ سوڭىنا قاراي حابار ءۇزىلدى. Ülke TV-نىڭ باس رەداكتورى حاسان وزتۇرىك سۇراق قويعاندا ەكرانعا شىققان ەردوعاننىڭ جۇتىنىپ، كوماندا مۇشەلەرىنىڭ بىرىنە قاراعانى بايقالدى.
كەيىن ول اسقازان تۇماۋىن جۇقتىرعانىن حابارلادى. دارىگەرلەردىڭ كەڭەسىمەن تۇركيا باسشىسى بىرقاتار سايلاۋالدى شارالاردى وتكىزىپ العان.
الايدا، ءبىراز ۋاقىتتان كەيىن بەينەكونفەرەنتسيا ارقىلى ول اقكۋيۋ اتوم ەلەكتر ستانتسياسىنا يادرولىق وتىندى جەتكىزۋ راسىمىنە قاتىسىپ، كەلەسى كۇنى ادانا قالاسىنداعى جاڭا كوپىردىڭ اشىلۋ سالتاناتىنا ونلاين قوسىلدى. 29 ساۋىردە ول ستامبۋلداعى Teknofest فەستيۆالىنە جەكە قاتىستى.
ەسكە سالا كەتەيىك، تاياۋدا تۇركيادا پرەزيدەنتتىك سايلاۋ وتپەك. ەردوعان مەملەكەت باسشىسىنىڭ قىزمەتىنە ۇمىتكەرلەر تىزىمىندە.
