Túrkııa prezıdenti Taıyp Erdoǵan asqazan aýrýymen aýyrǵannan keıin alǵash ret Túrkııanyń birqatar telearnalaryna suhbat berdi. Ol ózin qazirgi tańda jaqsy sezinetinin aıtty, - dep habarlaıdy "Adyrna" portaly RIA Novostıge silteme jasap.
Túrkııa basshysy saılaý naýqany josparǵa saı ótip jatqanyn da atap ótti. 14 mamyrda elde prezıdenttik jáne parlamenttik saılaý ótedi.
Eske salaıyq, Rejep Taıyp Erdoǵan sáýirdiń 26-sy kúni jergilikti Kanal 7 jáne Ülke TV arnalaryna tikeleı efırde suhbat berý sátinde, prezıdenttiń kenet syrqattanyp qalýyna baılanysty efır úzilgen bolatyn.
Baǵdarlamanyń sońyna qaraı habar úzildi. Ülke TV-nyń bas redaktory Hasan Óztúrik suraq qoıǵanda ekranǵa shyqqan Erdoǵannyń jutynyp, komanda músheleriniń birine qaraǵany baıqaldy.
Keıin ol asqazan tumaýyn juqtyrǵanyn habarlady. Dárigerlerdiń keńesimen Túrkııa basshysy birqatar saılaýaldy sharalardy ótkizip alǵan.
Alaıda, biraz ýaqyttan keıin beınekonferenııa arqyly ol Aqkýıý atom elektr stanııasyna ıadrolyq otyndy jetkizý rásimine qatysyp, kelesi kúni Adana qalasyndaǵy jańa kópirdiń ashylý saltanatyna onlaın qosyldy. 29 sáýirde ol Stambýldaǵy Teknofest festıvaline jeke qatysty.
Eske sala keteıik, taıaýda Túrkııada prezıdenttik saılaý ótpek. Erdoǵan memleket basshysynyń qyzmetine úmitkerler tiziminde.
