بۇرىن پاۆلودار وبلىستىق سىبايلاس جەمقورلىققا قارسى ءىس-قيمىل دەپارتامەنتىنە باسشى بولعان دارحان قۇراقباەۆ قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل اگەنتتىگى توراعاسىنىڭ ورىنباسارى قىزمەتىنە تاعايىندالدى، دەپ حابارلايدى "ادىرنا" ۇلتتىق پورتالى.
ءتيىستى وكىمگە مەملەكەت باسشىسى قاسىم-جومارت توقاەۆ 2 مامىر كۇنى قول قويدى.
"مەملەكەت باسشىسىنىڭ وكىمىمەن دارحان عالىمتايۇلى قۇراقباەۆ قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل اگەنتتىگى (سىبايلاس جەمقورلىققا قارسى قىزمەتتىڭ) توراعاسىنىڭ ورىنباسارى لاۋازىمىنا تاعايىندالدى", – دەپ جازىلعان اقوردانىڭ رەسمي سايتى تاراتقان حابارلامادا.
دارحان عالىمتايۇلى 1983 جىلى تۋعان، جوعارى ءبىلىمى بار.
2004 جىلى قارجى پوليتسياسى اكادەمياسىن «قۇقىقتانۋ» ماماندىعى بويىنشا بىتىرگەن. سىبايلاس جەمقورلىققا قارسى ورگانداردا 18 جىلدان استام ەڭبەك ەتىپ كەلەدى.
"ادىرنا" ۇلتتىق پورتالى
