بۇقارالىق اقپارات قۇرالدارىنىڭ ءبىرىنىڭ جازباسىنا جازعان تۇسىنىكتەمەسىندە الماتىلىق دەپۋتات "الىستان وراعىتىپ": "ودان دا تۇركياعا، زەلەنسكي مىرزا! ول جاقتا جىل ون ەكى اي كۇن جىلى" دەپ جازعان ەدى.
"اننا باشينسكايانىڭ بۇل پىكىرى پارتيانىڭ كوزقاراسىن بىلدىرمەيدى. Amanat پارتياسى وزگە ەلدەردىڭ ساياساتىنا ارالاسپايدى", – دەپ جازدى ستانيسلاۆ كانكۋروۆ Facebook پاراقشاسىندا.
Amanat پارتياسىنىڭ الماتى قالالىق فيليالىنىڭ توراعاسى ايتۋىنشا، اننا باشينسكايا بۇل پىكىرى ءۇشىن كەشىرىم سۇراعان. سونىمەن قاتار، دەپۋتاتتىڭ پىكىرى ءالى دە قارالىپ، ءتيىستى جازاسىن الاتىنى دا ايتىلدى.
"دەگەنمەن ايتىلعان ءسوزدىڭ اۋىرتپالىعى مەن ونىڭ ساياسي استارىن ەسكەرە وتىرىپ، بۇل ماسەلەنى پارتيا بەي-جاي قالدىرمايدى. ماسەلەنى تەز ارادا پارتيانىڭ ءتيىستى قۇرىلىمدارىندا قاراستىراتىن بولامىز. ءاربىر جەرگىلىكتى ءماسليحات دەپۋتاتى ءوزى تۇرىپ جاتقان مەملەكەتتىڭ مۇددەسىن باستى ورىنعا قويۋعا ءتيىس", - ستانيسلاۆ كانكۋروۆ
كوپ ۇزاماي دەپۋتاتتىڭ ءوزى "جازدىم، جاڭىلدىم" دەپ، حالىقتان كەشىرىم سۇراعان بولدى. دەپۋتاتتىق قىزمەتمەن سانالى تۇردە قوش ايتىساتىنىن مالىمدەدى.
"قۇرمەتتى دوستار! ءوزىمنىڭ پارىقسىز ءىس-ارەكەتىم ارقىلى ەلىمىزدىڭ بەيبىتشىل ۇستانىمدارىنا، سۇڭعىلا ساياساتىنا كۇل شاشقىم كەلمەيدى.
سوڭعى كۇندەرى شاقشاداي باسىم شاراداي بولدى. مەنى ايىپتاعانداردى جاقسى تۇسىنەمىن.
قازىرگى الاساپىران شاقتا مەنىڭ بۇلاي كوسىلۋىمنىڭ دۇرىس ەمەس ەكەنىن تاعى دا قايتالاپ ايتامىن. قوعامدى قيىن جاعدايدا قالدىردىم.
وسى ارەكەتىممەن پارتيانىڭ ۇستانىمدارىن جىك-جىككە ءبولدىم. بارلىق ارەكەتىمدى ەلەپ-ەكشەپ، دەپۋتاتتىق قىزمەتتەن كەتەتىنىمدى حابارلاعىم كەلەدى", - دەدى دەپۋتات اننا باشينسكايا.
وسىلايشا دەپۋتات قازاقستان حالقىنان جانە پارتيا مۇشەلەرىنەن كەشىرىم سۇراپ، ءوز وكىلەتىن توقتاتاتىنىن جاريالادى.
"ادىرنا" ۇلتتىق پارتياسى
