Buqaralyq aqparat quraldarynyń biriniń jazbasyna jazǵan túsiniktemesinde almatylyq depýtat "alystan oraǵytyp": "Odan da Túrkııaǵa, Zelenskıı myrza! Ol jaqta jyl on eki aı kún jyly" dep jazǵan edi.
"Anna Bashınskaıanyń bul pikiri partııanyń kózqarasyn bildirmeıdi. Amanat partııasy ózge elderdiń saıasatyna aralaspaıdy", – dep jazdy Stanıslav Kankýrov Facebook paraqshasynda.
Amanat partııasynyń Almaty qalalyq fılıalynyń tóraǵasy aıtýynsha, Anna Bashınskaıa bul pikiri úshin keshirim suraǵan. Sonymen qatar, depýtattyń pikiri áli de qaralyp, tıisti jazasyn alatyny da aıtyldy.
"Degenmen aıtylǵan sózdiń aýyrtpalyǵy men onyń saıası astaryn eskere otyryp, bul máseleni partııa beı-jaı qaldyrmaıdy. Máseleni tez arada partııanyń tıisti qurylymdarynda qarastyratyn bolamyz. Árbir jergilikti máslıhat depýtaty ózi turyp jatqan memlekettiń múddesin basty orynǵa qoıýǵa tıis", - Stanıslav Kankýrov
Kóp uzamaı depýtattyń ózi "jazdym, jańyldym" dep, halyqtan keshirim suraǵan boldy. Depýtattyq qyzmetmen sanaly túrde qosh aıtysatynyn málimdedi.
"Qurmetti dostar! Ózimniń paryqsyz is-áreketim arqyly elimizdiń beıbitshil ustanymdaryna, suńǵyla saıasatyna kúl shashqym kelmeıdi.
Sońǵy kúnderi shaqshadaı basym sharadaı boldy. Meni aıyptaǵandardy jaqsy túsinemin.
Qazirgi alasapyran shaqta meniń bulaı kósilýimniń durys emes ekenin taǵy da qaıtalap aıtamyn. Qoǵamdy qıyn jaǵdaıda qaldyrdym.
Osy áreketimmen partııanyń ustanymdaryn jik-jikke bóldim. Barlyq áreketimdi elep-ekshep, depýtattyq qyzmetten ketetinimdi habarlaǵym keledi", - dedi depýtat Anna Bashınskaıa.
Osylaısha depýtat Qazaqstan halqynan jáne partııa múshelerinen keshirim surap, óz ókiletin toqtatatynyn jarııalady.
"Adyrna" ulttyq partııasy
