Sýretti, beıneni kelisimsiz paıdalaný, ony jarııalaý - aıyp, zań buzýshylyq emes, eger de tıisti talaptar eskeriletin bolsa, dep habarlaıdy "Adyrna" ulttyq portaly.
Konstıtýııalyq sot BAQ týraly zańnyń kúmán týdyrar tusyna nazar aýdaryp, hat joldaǵan Qazaqstan azamatynyń ótinishin qarastyrdy. Mekemeniń bergen jaýabynda jeke tulǵalardyń sýretterin qoldaný men jarııalaý úshin ruqsat alýdyń qajeti joq ekendigi aıtylady. Mundaı shekteýlerge QR ata zańynyń 39-baby, 1-tarmaǵynda kózdelgen sharttar saqtalǵan kezde jol beriletindigi habarlandy.
Atap aıtqanda, Konstıtýııalyq Sot «Buqaralyq aqparat quraldary týraly» Qazaqstan Respýblıkasy Zańynyń 14-baby 1-1-tarmaǵy 3) tarmaqshasynyń Qazaqstan Respýblıkasynyń Konstıtýııasyna sáıkestigin teksergen.
Ótinish ıesiniń paıymdaýynsha, mundaı jaıttar adamnyń jeke bas erkindigne kólegeılep, haqy men quqyna shek keltiredi. QR azamattarynyń jeke ómirine, otbasylyq qupııasyna qol suǵylmaýshylyq quqyǵyn buzady.
Sot BAQ betterinde jeke tulǵanyń bet-júzin ruqsatsyz jarııalaý máselesine qatysty birqatar zań tarmaqtaryn alǵa tartty. Eskertýler men eskerý tıis tustar bar ekenin tilge tıek etti. Mundaı máseleniń quqyq qoldaný praktıkasy proesinde naqty baǵalanyp, nazarǵa alynýǵa tıis ekendigi aıtyldy.
"Adyrna" ulttyq portaly
