Nazarbaev áýletiniń Londonnyń qaq tórinde aspan tiregen úılerin japatarmaǵaı satyp jatqany anyqtaldy. Orda.kz jýrnalısteriniń júrgizgen zertteýlerinde, Nazarbaevtardyń Londonda, Beıker-ctrıtte, jeri men birqatar ǵımarattary bolǵany aıtylady. Konan Doıl shyǵarmasynda sýrettegen Sherlok Holms pen Vatson dáriger shynaıy ómirde bolsa, Nazarbaevtarmen kórshi bolatyn edi deıdi shendestirýge sheber jýrnalıster. Bul jaıly "Adyrna" ulttyq portaly jazdy.
Londondaǵy úıler resmı túrde Fairmont Baker Street Limited kompanııasynyń atyna tirkelgen. Barlyǵy kezinde 140 mıllıon fýnt sterlıngke satyp alynǵan. Degenmen, dáýir bitti, dáýren kóshti.
Aǵylshyndardyń astanasyndaǵy Beıker-strıt 221b mekenjaıynda ornalasqan múlikterdiń 90% paıyzy Darıǵa Nazarbaevaǵa, 10% paıyzy uly Nurálı Nazarbaevtyń atynda ekendigi jasyryn emes. Olardy resmı Nazarbaevtardyń atyna tirkeý 2008-2011 jyldar aralyǵynda júrgen. Muny sátti júzege asyrǵan Farmont Baker Street, tipti, 2005 jyly Rahat Álıevtiń qurmetine Londonnan jyljymaıtyn múlik alǵan.
Farmont Baker Street-tiń basshylyǵyna 2009 jyly Muhammed-Álı Qurmanbaev keledi. Onyń maıshelpekti asaýyna Nuráli Álıevtiń qatysy bar. Sebebi, Qurmanbaev 2007 jyldan beri Álıevtiń múddesine jumys istegen.
Orda.kz tilshileri Farmont Baker Street-tiń eki quramdas kompanııasy bar ekendigin anyqtady (2016 jylǵa deıin). Olar - Dynamic Estates Ltd jáne Parkview Estates Ltd. Atalmysh kompanııalar Beıker kóshesindegi jyljymaıtyn múlikti jáne Haıgeıt aýdanyndaǵy úıdi ıemendengen. 2009-2014 jyldary barlyq úsh kompanııanyń basshysy Qurmanbaev bolǵan.
Múlik satyldy ma, mırasqa qaldy ma?
«Vyhod k morıý» telegram arnasy Qazaqstannyń burynǵy prezıdentiniń tuńǵysh qyzy Darıǵa Nazarbaevanyń Londondaǵy óz múlkiniń "joqtaýyn asyrǵanyn" jazdy. Jarııalanǵan mátinde Londondaǵy Beıker kóshesindegi birneshe ǵımarattar, sonyń ishinde Beıker strıt 221b ǵımaraty sóz bolady.
Derekterdi jipke tizgen avtorlar 2022 jyly Farmont Baker Street-tiń zańdyq mekenjaıy, tutas derekteri men qyzmettik quramy aýysqanyn baǵamdady. Eski dırektorlardyń barlyǵy jumystan ketip, onyń ornyna jańa basshylyq kelgen. Olardyń qatarynda sheteldikter de bar. Iaǵnı, amerıkalyq jeke menshik ıeleri Djosh Baýmgarten men Adam Shvartiń jarqyn esimderi bıznes tiziminde paıda bolady.
Dál osyndaı "quıtyrqy qubylystar" Darıǵa Nazarbaevanyń Beıker kóshesindegi bıznesimen baılanysty eki kompanııada da bolǵan (Parkview Estates Management Ltd jáne Dynamic estates Ltd).
Amerıkalyqtar kim?
"Djosh Baýmgarten pen Adam Shvar - "Andjelo Gordon" kompanııasynyń London fılıalyndaǵy dırektorlary. Bul - ınvestıııalyq kompanııa. Kompanııa óz saıtynda, shamamen, 5 53 mlrd ınvestıııalar portfelin ýysynda ustaıtynyn málimdeıdi.
Investıııalar "zeınetaqy qorlarynyń, korporaııalardyń, kommerııalyq emes uıymdardyń, táýelsiz ál-aýqat qorlarynyń jáne jeke tulǵalardyń atynan", ıaǵnı aqshasy bar kez kelgen adamnyń tarapynan jasalady. Qyzmettiń sıpattamasyna súıensek, kompanııanyń basymdyǵy – konservatıvti ınvestıııalar, onyń ishinde jyljymaıtyn múlik", - deıdi basylym.
Avtorlardyń kóńiline kúdik uıalatqan bir gáp bar. Gáp - Beıker kóshesindegi ǵımarattar Angelo Gordon kompanııasyna nemese onyń qurylymdarynyń birine emes, tikeleı menedjerler Djosh Baýmgarten jáne Adam Shvarqa jeke tıesili ekendiginde. Sonymen qatar, barlyq múlik satyp alǵannan keıin Djersıde ashylǵan jańa Baker Melcombe Property Ltd kompanııasyna qaıta tirkelip, qaıta jazylǵan.
"Basqa kompanııalar arqyly sol Angelo Gordon menedjerlerine jazylǵan taǵy birneshe jyljymaıtyn múlik tabyldy. Bul jaı ǵana korporaııanyń iskerlik tájirıbesi, tarıhy bolýy múmkin. Budan kúdiktene qoımaımyz. Dese de, Djosh Baýmgarten pen Adam Shvar óziniń negizgi kásibimen qatar birneshe qaýipti bıznesti qatar tizgindeýi múmkin. Bul úıler sonyń jańǵyryǵy ma?.. Taǵy bir paıym: olar - Darıǵanyń nomınaldary. Olar jyljymaıtyn múlikti Darıǵanyń jeke bas múddesi úshin basqarady, - dep boljaıdy avtorlar.
Ádette, mundaı fırmalar saıası turǵysyz, taǵdyry taıqyma adamdardyń múlikterine sırek aqsha quıady. Nazarbaevtardyń ýysynan shyǵyp qalǵan mundaı aktıvterdiń ózi kúmándi. Onyń ústine, buǵan deıin yqpaldy leıborıst Margaret Hodj Ulybrıtanııa parlamentinde qazaqstandyq elıtanyń "sybaılas jemqorlyq jáne las aqshasy" týraly baıandama jasaǵan edi. Ol London bıligin Nazarbaevtardyń elinen aqshany syrtqa shyǵaryp, óz týystary jolynda jelge shashqanyna kóz jumǵany úshin aıyptaǵany esimizde.
Qolda bar derekterge sáıkes, barlyq keshendi alýǵa jańa ıeler, ashyǵy, amerıkalyq zeınetkerler £110 mln tólegen. Nazarbaevtar muny kezinde sońǵy baǵasynan $30 mln artyq tólep, satyp alǵan eken...
"Adyrna" ulttyq portaly
