Bastan köşken däuren. Nazarbaevtar Londondaǧy mülkın amerikalyq zeinetkerlerge satqany aityldy

Nazarbaev äuletınıŋ Londonnyŋ qaq törınde aspan tıregen üilerın japatarmaǧai satyp jatqany anyqtaldy.  Orda.kz jurnalisterınıŋ jürgızgen zertteulerınde, Nazarbaevtardyŋ Londonda, Beiker-ctritte, jerı men bırqatar ǧimarattary bolǧany aitylady. Konan Doil şyǧarmasynda surettegen Şerlok Holms pen Vatson därıger şynaiy ömırde bolsa, Nazarbaevtarmen körşı bolatyn edı deidı şendestıruge şeber jurnalister. Būl jaily "Adyrna" ūlttyq portaly jazdy.   Londondaǧy üiler resmi türde Fairmont Baker Street Limited kompaniiasynyŋ atyna tırkelgen. Barlyǧy kezınde 140 million funt sterlingke satyp alynǧan.  Degenmen, däuır bıttı, däuren köştı. Aǧylşyndardyŋ astanasyndaǧy Beiker-strit 221b mekenjaiynda ornalasqan mülıkterdıŋ 90% paiyzy Dariǧa Nazarbaevaǧa, 10% paiyzy ūly Nūräli Nazarbaevtyŋ atynda ekendıgı jasyryn emes. Olardy resmi Nazarbaevtardyŋ atyna tırkeu 2008-2011 jyldar aralyǧynda jürgen. Mūny sättı jüzege asyrǧan Farmont Baker Street, tıptı, 2005 jyly Rahat Älievtıŋ qūrmetıne Londonnan jyljymaityn mülık alǧan. Farmont Baker Street-tıŋ basşylyǧyna 2009 jyly Mūhammed-Äli Qūrmanbaev keledı. Onyŋ maişelpektı asauyna Nūrälı Älievtıŋ qatysy bar. Sebebı,  Qūrmanbaev 2007 jyldan berı  Älievtıŋ müddesıne jūmys ıstegen. Orda.kz tılşılerı Farmont Baker Street-tıŋ ekı qūramdas kompaniiasy bar ekendıgın anyqtady (2016 jylǧa deiın). Olar -  Dynamic Estates Ltd jäne Parkview Estates Ltd. Atalmyş kompaniialar Beiker köşesındegı jyljymaityn mülıktı jäne Haigeit audanyndaǧy üidı iemendengen. 2009-2014 jyldary barlyq üş kompaniianyŋ basşysy Qūrmanbaev bolǧan.

Mülık satyldy ma, mirasqa qaldy ma?

«Vyhod k moriu» telegram arnasy Qazaqstannyŋ būrynǧy prezidentınıŋ tūŋǧyş qyzy Dariǧa Nazarbaevanyŋ Londondaǧy öz mülkınıŋ "joqtauyn asyrǧanyn" jazdy. Jariialanǧan mätınde Londondaǧy Beiker köşesındegı bırneşe ǧimarattar, sonyŋ ışınde Beiker strit 221b ǧimaraty söz bolady. Derekterdı jıpke tızgen avtorlar 2022 jyly Farmont Baker Street-tıŋ zaŋdyq mekenjaiy, tūtas derekterı men qyzmettık qūramy auysqanyn baǧamdady. Eskı direktorlardyŋ barlyǧy jūmystan ketıp, onyŋ ornyna jaŋa basşylyq kelgen. Olardyŋ qatarynda şeteldıkter de bar. Iаǧni, amerikalyq jeke menşık ielerı Djoş Baumgarten men Adam Şvarstıŋ jarqyn esımderı biznes tızımınde paida bolady. Däl osyndai "qūityrqy qūbylystar" Dariǧa Nazarbaevanyŋ Beiker köşesındegı biznesımen bailanysty ekı kompaniiada da bolǧan (Parkview Estates Management Ltd jäne Dynamic estates Ltd).

Amerikalyqtar kım? 

"Djoş Baumgarten pen Adam Şvars - "Andjelo Gordon" kompaniiasynyŋ London filialyndaǧy direktorlary. Būl  - investisiialyq kompaniia. Kompaniia öz saitynda, şamamen, 5 53 mlrd investisiialar portfelın uysynda ūstaitynyn mälımdeidı. İnvestisiialar "zeinetaqy qorlarynyŋ, korporasiialardyŋ, kommersiialyq emes ūiymdardyŋ, täuelsız äl-auqat qorlarynyŋ jäne jeke tūlǧalardyŋ atynan", iaǧni aqşasy bar kez kelgen adamnyŋ tarapynan jasalady. Qyzmettıŋ sipattamasyna süiensek, kompaniianyŋ basymdyǧy – konservativtı investisiialar, onyŋ ışınde jyljymaityn mülık", - deidı basylym.

Avtorlardyŋ köŋılıne küdık ūialatqan bır gäp bar. Gäp - Beiker köşesındegı ǧimarattar Angelo Gordon kompaniiasyna nemese onyŋ qūrylymdarynyŋ bırıne emes, tıkelei menedjerler Djoş Baumgarten jäne Adam Şvarsqa jeke tiesılı ekendıgınde. Sonymen qatar,  barlyq mülık satyp alǧannan keiın Djerside aşylǧan jaŋa Baker Melcombe Property Ltd kompaniiasyna qaita tırkelıp, qaita jazylǧan.

"Basqa kompaniialar arqyly sol Angelo Gordon menedjerlerıne jazylǧan taǧy bırneşe jyljymaityn mülık tabyldy. Būl jai ǧana korporasiianyŋ ıskerlık täjıribesı, tarihy boluy mümkın. Būdan küdıktene qoimaimyz. Dese de, Djoş Baumgarten pen Adam Şvars özınıŋ negızgı käsıbımen qatar bırneşe qauıptı biznestı qatar tızgındeuı mümkın. Būl üiler sonyŋ jaŋǧyryǧy ma?.. Taǧy bır paiym: olar - Dariǧanyŋ nominaldary. Olar  jyljymaityn mülıktı Dariǧanyŋ jeke bas müddesı üşın basqarady, - dep boljaidy avtorlar.

Ädette, mūndai firmalar saiasi tūrǧysyz, taǧdyry taiqyma adamdardyŋ mülıkterıne sirek aqşa qūiady. Nazarbaevtardyŋ uysynan şyǧyp qalǧan mūndai aktivterdıŋ özı kümändı. Onyŋ üstıne, būǧan deiın yqpaldy leiborist Margaret Hodj Ūlybritaniia parlamentınde qazaqstandyq elitanyŋ "sybailas jemqorlyq jäne las aqşasy" turaly baiandama jasaǧan edı. Ol London bilıgın Nazarbaevtardyŋ elınen aqşany syrtqa şyǧaryp, öz tuystary jolynda jelge şaşqanyna köz jūmǧany üşın aiyptaǧany esımızde. Qolda bar derekterge säikes, barlyq keşendı aluǧa jaŋa ieler, aşyǧy, amerikalyq zeinetkerler £110 mln tölegen. Nazarbaevtar mūny kezınde soŋǧy baǧasynan $30 mln artyq tölep, satyp alǧan eken...

"Adyrna" ūlttyq portaly