Eks-prezident Nūrsūltan Nazarbaevtyŋ jienı Aqbota Nazarbaeva ielık etetın «Tolaǧai-2050» JŞS kesırınen 30 myŋ almatylyq tūrǧynnyŋ ömırıne qauıp tönıp tūr, dep habarlaidy “Adyrna” ūlttyq portaly.
TJM aqparatynşa, Aqsai şatqalyndaǧy seldı ūstaityn bögetke jauapty merdıger öz mındettemelerın oryndamai otyr.
“QR Tötenşe jaǧdailar ministrı Şyŋǧys Ärınov "Aqsai" basseinındegı seldı ūstaityn bögettı tekseru kezınde merdıgerdıŋ joǧaryda atalǧan obektını salu boiynşa mındettemelerın oryndamauyna bailanysty belgılı bır būzuşylyqtardy anyqtady (Almaty qalasynyŋ 30 myŋǧa juyq tūrǧynynyŋ ömırıne qauıp tönıp tūr), osyǧan bailanysty "Qazseldenqorǧau" basşylyǧynyŋ aldynda tiıstı materialdardy prosessualdyq şeşım qabyldau üşın QR Qarjy monitoringı agenttıgıne beru turaly mäsele köterıldı . Onyŋ nätijelerı boiynşa QR QMA qylmystyq ıs qozǧady jäne merdıger ūiymnyŋ jauapty tūlǧalaryna qatysty biudjet qarajatyn ūrlau boiynşa tergeu jürgızılude”, delıngen ministrlık habarlamasynda.
Al, Protenge mälımetınşe, nysannyŋ qūrylysyn Aqbota Nazarbaeva ielık etetın «Tolaǧai-2050» kompaniiasy jürgızgen.
Bögettıŋ özı Almaty oblysynyŋ Qarasai audany men Almatynyŋ Nauryzbai audanynyŋ tūrǧyndaryn qorǧaidy.
Böget sapasyz salynǧan, tapsyrys beruşınıŋ aituynşa, qazır synaqtar jürıp jatyr, basseinde erıgen su jinalyp jatyr. Biyl kompaniia memleketpen ondaǧan milliard teŋgenıŋ 39 kelısımşarty men qosymşa kelısımderge qol qoidy, dep jazady ProTenge.
Ūqsas jaŋalyqtar
