25 qazan - Respýblıka kúni Memleket boıynsha atalyp ótti. Alaıda tuńǵysh prezıdent Nursultan Nazarbaev boı kórsetip, halyqty merekemen quttyqtamady.
Degenmen, memlekettik nagradalar men syılyqtar tapsyrýǵa arnalǵan saltanatty rásim kezinde Toqaev Nazarbaevtyń “tarıhı róli” jaıly aıta ketti.
Biz tarıhı ádildik jolyn berik ustanýymyz kerek. Osy oraıda tuńǵysh prezıdent Nursultan Nazarbaevtyń tarıhı rólin atap ótken jón. Sebebi ol elimizdiń Táýelsiz memleket atanyp, tuǵyryn bekemdeýge orasan zor eńbek sińirdi, degen edi Memleket basshysy.
Tuńǵysh prezıdenttiń saıtynan Nazarbaevtyń quttyqtaý sózin izdedik. Alaıda, sońǵy jazba 11 maýsym kúni jarııalanǵan. El kózine ol sońǵy Abaı oblysyndaǵy órtten qaza tapqan orman sharýashylyǵy qyzmetkerleriniń otbasyna kóńil bildirgende shyqqan.
Aıta keteıik, sońǵy kezde Nazarbaevqa qatysty ataýlar qysqaryp jatyr.
Aqpan aıy Qasym-Jomart Toqaev «Qazaqstan Respýblıkasynyń Tuńǵysh Prezıdenti – Elbasy týraly» Qazaqstan Respýblıkasy Konstıtýııalyq zańynyń kúshi joıyldy dep taný týraly» Qazaqstan Respýblıkasynyń Konstıtýııalyq zańyna qol qoıdy. Bir sózben aıtqanda, Elbasy týraly zańnyń resmı túrde kúshi joıyldy.Konstıtýııalyq reforma kezinde osy tıtýl Negizge zańnan da alynyp tastaǵan.
Elbasy týraly zań kúshin joıǵannan keıin Nazarbaevtyń saıty óz adresin ózgertti. Qazaqstannyń eks-prezıdenti Nursultan Nazarbaevtyń saıty osy kezge deıin elbasy.kz atalyp kelse, keıinnen nazarbayev.kz degen domenge ıe boldy.
4 shilde kúni Memleket basshysy burynǵy prezıdentke qatysty jańa zańǵa qol qoıdy. Zańda Nazarbaevty óz atyndaǵy oqý oryndary qamqorshylyq keńesiniń basshysy mártebesinen aıyrý qarastyrylǵan edi.
Al 2 kún buryn Nazarbaev kitaphanasynan da aıyrylǵan edi. Astanadaǵy tuńǵysh prezıdenttiń atyna berilgen Nazarbaev kitaphanasy endi ortalyq retinde jumys isteıdi.
Alaıda oblys ortalyqtaryndaǵy basty kósheler men ánuranda áli aty bar.
Sondaı-aq, 1 jeltoqsan tuńǵysh prezıdent kúni retinde qaldy. Biraq ózi barda qyzyl kún bolyp, dúrkirep toılanatyn mereke - qazir jaı ataýly kúnge aınaldy.
