Gülmira Satybaldy adam ūrlaumen ainalysty dep aiyptaldy. Būl turaly Sybailas jemqorlyqqa qarsy qyzmetı mälımdedı, dep habarlaidy “Adyrna” ūlttyq portaly.
Sybailas jemqorlyqqa qarsy qyzmet Gülmira Satybaldyǧa, onyŋ baqylauyndaǧy «Ariia-Jaŋa Astana» JŞS kompaniiasynyŋ basşylyǧyna jäne memlekettık organdardyŋ lauazymdy tūlǧalaryna qatysty obektılerdı saluǧa bölıngen biudjet qarajatyn jymqyru faktılerı boiynşa tergeudı jalǧastyruda.
Bırneşe obektıler boiynşa ıs jüzınde oryndalmaǧan qūrylys-montajdau jūmystaryna aqy töleu nätijesınde memleketke jalpy somasy 3,9 miliard teŋgege asa ırı mölşerde zalal keltırıldı.
Tergeu satysynda qabyldanǧan şaralarmen memleketke keltırılgen zalal tolyq öteldı.
Sondai-aq, oǧan jäne onyŋ senımdı tūlǧalaryna qatysty bırqatar käsıporyndardyŋ qatysu ülesterı men aktivterın zaŋsyz ielenu, adamdy ūrlau jäne bas bostandyǧynan zaŋsyz aiyru faktılerı boiynşa tergeu jürgızılude. Jäbırlenuşılerge keltırılgen zalaldyŋ aldyn ala somasy 6,6 miliard teŋgeden asady.
Aita keteiık, Gülmira Satybaldy - Qazaqstan eks-prezidentı Nūrsūltan Nazarbaevtyŋ nemere ınısı Qairat Satybaldynyŋ būrynǧy äielı.
”Adyrna” ūlttyq portaly
Ūqsas jaŋalyqtar
