"ماعان ءبارىبىر". ءۇش بالاسىن باۋىزداپ ولتىرگەن ازاماتتىڭ ايەلى پىكىر ءبىلدىردى

""جۋسانمەن" كەلگەن. اتىراۋدا "برت" بولىپ تىركەۋدە تۇرعان،" - دەيدى جۋرناليستەردىڭ ساۋالىنا جاۋاپ بەرگەن پوليتسيا وكىلدەرى.

جانىبەكتىڭ جات اعىمنىڭ جەتەگىندە ەكەندىگىن كورشىلەرى مەن تۋىستارى دا راستاپ وتىر.

 "ولاردىڭ ۇستانىمدارى بولەك. تۇمشالانىپ جۇرەدى", - دەيدى جانىبەكتىڭ تۋعان جەزدەسى. جەزدەسىنىڭ ايتۋىنشا، جانىبەك پەن ونىڭ جارىنىڭ قانداي اعىمدا جۇرگەندىگى بەلگىسىز.  كورشىلەرى بولسا بالالارىن دا تۇمشالاپ تاستايتىن دەگەندى ايتتى.

سونداي-اق جانىبەكتىڭ تانىستارى، اۋىلداستارى دا  ناماز وقىعالى ونىڭ وزگەرىپ كەتكەنىن ايتۋدا.

ال ءۇش بالاسىنان ايرىلعان ايدانا جۋرناليستەرگە قىسقا-نۇسقا پىكىر ءبىلدىردى.

"مەن ەشكىمنىڭ الدىندا اقتالمايمىن. ناماز وقيتىنىم راس. ءبارى "ۆاحابيس" دەيدى. ايتا بەرسىن. ماعان ءبارىبىر. مەن ەشكىمنىڭ اۋزىنا قاقپاق بولمايمىن. ءوز ىسىمە جاۋاپ بەرەمىن. بولدى.

ماعان ءبارىبىر. بالالار اللاحقا قايتتى. سول ادامنىڭ سەبەبىمەن اللاحقا قايتتى. بولدى", - دەيدى قارا جامىلعان انا.

ەسكە سالساق مارقۇم بولعان بالالاردىڭ اتا-اناسى بىلتىر جەلتوقسان ايىندا زاڭدى تۇردە اجىراسىپ كەتكەن بولاتىن. 

"ادىرنا" ۇلتتىق پورتالى