Üş balasyn bauyzdap öltırdı degen küdıkke ılıngen jıgıttıŋ äielı, küieuınıŋ ısıne qatysty pıkırın bıldırdı, dep jazady "Adyrna". Būl turaly tolyq derek Koremiz baǧdarlamasynda aityldy.
Aqtauda kämeletke tolmaǧan 3 balasyn öltırdı degen küdıkpen 36 jastaǧy er adamdy ūstalǧan bolatyn. Būǧan deiın oǧan qatysty özge aǧymdaǧy dındı ūstanady degen derekter keltırılıgen. Endı üş balasyn öz qolymen bauyzdap öltırgen Jänıbek Esenovtyŋ Siriiadan "Jusan" operasiiasy arqyly elge oralǧandyǧy anyqtalyp otyr.
""Jusanmen" kelgen. Atyrauda "BRT" bolyp tırkeude tūrǧan," - deidı jurnalisterdıŋ saualyna jauap bergen polisiia ökılderı.
Jänıbektıŋ jat aǧymnyŋ jetegınde ekendıgın körşılerı men tuystary da rastap otyr.
"Olardyŋ ūstanymdary bölek. Tūmşalanyp jüredı", - deidı Jänıbektıŋ tuǧan jezdesı. Jezdesınıŋ aituynşa, Jänıbek pen onyŋ jarynyŋ qandai aǧymda jürgendıgı belgısız. Körşılerı bolsa balalaryn da tūmşalap tastaityn degendı aitty.
Sondai-aq Jänıbektıŋ tanystary, auyldastary da namaz oqyǧaly onyŋ özgerıp ketkenın aituda.
Al üş balasynan airylǧan Aidana jurnalisterge qysqa-nūsqa pıkır bıldırdı.
"Men eşkımnıŋ aldynda aqtalmaimyn. Namaz oqitynym ras. Bärı "vahabis" deidı. Aita bersın. Maǧan bärıbır. Men eşkımnıŋ auzyna qaqpaq bolmaimyn. Öz ısıme jauap beremın. Boldy.
Maǧan bärıbır. Balalar Allahqa qaitty. Sol adamnyŋ sebebımen Allahqa qaitty. Boldy", - deidı qara jamylǧan ana.
Eske salsaq marqūm bolǧan balalardyŋ ata-anasy byltyr jeltoqsan aiynda zaŋdy türde ajyrasyp ketken bolatyn.
"Adyrna" ūlttyq portaly
Basqalarmen bölıse
otyryŋyz