رەسەيلىك وپپوزيتسيونەر الەكسەي ناۆالنىي تۇرمەدە ءپۋتيننىڭ ءسوزىن تىڭداۋدىڭ ءوزى جازا ەكەنىن جازدى، دەپ حابارلايدى "ادىرنا".
قازان ايىندا ناۆالنىيعا لاڭكەستىككە شاقىردى جانە ۇلتشىلدىقتى ناسيحاتتادى دەگەن ايىپ تاعىلدى. اقپان ايىندا ول ءۇشىن تۇرمە رەجيمى كۇشەيتىلىپ، ونى التى ايعا كامەرالىق تيپتەگى ءۇي-جايعا (پكت) جىبەردى. ناۆالنىي تۇرمەدە وتىرعاننان بەرى 12 رەت جازالاۋ كامەراسىنا قامالدى.
ول پوكروۆتاعى جالپى رەجيمدەگى كولونيادا جازاسىن وتەپ جاتقان جانە 2023 جىلدىڭ جازىندا بوساتىلۋى كەرەك ەدى، بىراق 2022 جىلدىڭ ماۋسىمىندا ناۆالنىيعا توعىز جىل قاتاڭ رەجيمدە الاياقتىق ءىسى بويىنشا جازا تاعايىندالدى. وسىدان كەيىن ول ۆلاديمير وبلىسىنىڭ مەلەحوۆو اۋىلىنداعى قاتاڭ رەجيمدەگى تۇزەۋ كولونياسىنا اۋىستىرىلدى.
ءىnstagram جەلىسىندەگى جازباسىندا ول ءپۋتيننىڭ ساياساتىنا دەگەن وشپەندىلىگىن تاعى تىزبەكتەپ بەردى. سونداي-اق، تۇرمەدەگىلەردىڭ ءپۋتيننىڭ ءسوزىن تىڭداۋ – جازا ەكەنىن ءوز ارەكەتتەرىمەن مويىنداعانىن ايتتى:
"جازالانۋشىلار تۇرمەدەگى جازالاردىڭ ءتىزىمىن جاسادى. ولار وتباسىڭمەن بايلانىسا الماۋ، جۋىنباعان تۇرمە باستىعىنىڭ كامەراسىنا قامالۋ جانە كۇندە ءپۋتيننىڭ ءسوزىن تىڭداۋ. مەن تۇرمە اكىمشىلىگىنىڭ ءپۋتيننىڭ ءسوزى مەن مۇڭكىگەن ءيىسىن تەڭەستىرۋىنەن ادىلدىك سەزىنەمىن" دەدى ول.
سونداي - اق، ءپۋتيننىڭ ساياساتى، سوعىستاعى پوزيتسياسىنا قاتىستى:
ء"پۋتيننىڭ سوعىستى ءبىز باستامادىق دەگەنىن ەستىگەن سايىن، تۇرمەدە وتىرعانىما شۇكىرلىك ەتەمىن. مىناداي بيلىكتە ءومىر سۇرگەنشە، تۇرمەدە وتىرعانىم مىڭ ارتىق" دەپ تۇيىندەدى جازباسىن.
پوسموترەت ەتۋ پۋبليكاتسيۋ ۆ Instagram
"ادىرنا" ۇلتتىق پورتالى
