ماڭعىستاۋ وبلىسىندا پوليتسەيلەر نارەستە ساتپاق بولعان دەگەن ەكى ايەلدى ۇستادى، - دەپ حابارلايدى "ادىرنا" ءتىلشىسى قر ىشكى ىستەر مينيسترلىگىنىڭ ءباسپاسوز قىزمەتىنە سىلتەمە جاساپ.
4 مامىر كۇنى ساعات 13:00-دە ماڭعىستاۋ وبلىسى بويىنشا ءىىد ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى وبلىستىق پروكۋراتۋرانىڭ ۇيلەستىرۋىمەن 35 جاستاعى تۇرعىندى جاڭا تۋعان ءسابيىن ساتۋ ءۇشىن اقشا الىپ جاتقان جەرىنەن ۇستادى.
تەكسەرۋ بارىسىندا كۇدىكتىدەن زاتتاي ايعاق الىندى. سونداي-اق پوليتسەيلەر 38 جاستاعى كۇدىكتىنى ۇستادى، وعان جاڭا تۋعان نارەستە بەرىلدى. ءسابي سوت شەشىمى شىققانعا دەيىن اقتاۋ قالاسىنداعى وبلىستىق مامانداندىرىلعان بالالار ۇيىنە ورنالاستىرىلدى.
پوليتسەيلەر قىلمىستىق كودەكستىڭ 135-بابى «كامەلەتكە تولماعانداردى ساۋدالاۋ» 2-بولىگى بويىنشا ءىس قوزعادى. كۇدىكتىلەر كىناسىن مويىندادى.
"ادىرنا" ۇلتتىق پورتالى
