قازاقستاندىق وليگارح، تۇڭعىش پرەزيدەنتتىڭ كۇيەۋ بالاسى تيمۋر قۇلىباەۆ مەملەكەتكە "سۇيىتىلعان مۇناي گازىن ساقتاۋ پاركى" جشس 50% ۇلەسىن بەردى. سوت بۇل ۇلەستى اتىراۋ ءاموز مەنشىگىنە ("قازمۇنايگازعا"تيەسىلى) قايتارۋ تۋرالى شەشىم شىعاردى، دەپ حابارلايدى “ادىرنا” ۇلتتىق پورتالى.
“سوتتار زاڭسىز ساتىلعان مەملەكەتتىك مۇلىكتى قايتارۋ جونىندەگى ونداعان تالاپتاردى قاناعاتتاندىردى. ولاردىڭ ىشىندە وندىرىستىك نىساندار، بازارلار، كوممەرتسيالىق ءۇي-جايلار، ەليتالىق ۋچاسكەلەر جانە ت.ب. بار. ماسەلەن، سوت شەشىمى بويىنشا ءاموز مەنشىگىنە اتىراۋ قالاسىنداعى سۇيىتىلعان مۇناي گازدى ساقتاۋ پاركىنىڭ 50% ۇلەسى قايتارىلدى”، – دەلىنگەن باس پروكۋراتۋرا حابارلاماسىندا.
ەكى جىل بۇرىن كاسىپورىن قۇرىلتايشىلارى تيمۋر قۇلىباەۆ پەن راۋشان ساعديەۆا بولىپ تابىلاتىن "Joint Technologies" كومپانياسىنا اۋكتسيون ارقىلى ساتىلعان.
ايتا كەتەيىك، بۇدان بۇرىن داريعا نازارباەۆامەن بايلانىستىرىلاتىن قوناق ءۇي يەلەرىنەن 1,3 ملرد تەڭگە وندىرىلگەن.
