الماتىدا قاڭتار وقيعاسىنا قاتىسقان 25 ادامعا ۇكىم شىعارىلدى، دەپ حابارلايدى "ادىرنا" ءتىلشىسى قالالىق سوتتىڭ ءباسپاسوز قىزمەتىنە سىلتەمە جاساپ.
ولاردىڭ ءىسىن بوستاندىق اۋدانىنىڭ No2 اۋداندىق سوتى قارادى. سوت تەرگەۋى بارىسىندا سوتتالۋشىلاردىڭ 4-5 قاڭتار ارالىعىندا قالانىڭ ءار جەرىندە جاپپاي تارتىپسىزدىكتەرگە قاتىسقانى انىقتالدى:
- تۇرعىن ءۇي، قىزمەتتىك جانە وندىرىستىك ءۇي-جايلارعا زاڭسىز كىرۋ ارقىلى اسا ءىرى كولەمدەگى ۇرلىق جاساعان;
- ءىرى زالال كەلتىرگەن اۆتوكولىكتەردى ۇرلاعان;
- قاۋiپتi وندiرiستiك وبەكتiنiڭ، سونداي-اق ارنايى ورگاندار كۇزەتiپ وتىرعان باسقا دا وبەكتiلەردiڭ اۋماعىنا زاڭسىز ەنگەن.
بۇل ايتارلىقتاي شىعىنعا جانە باسقا دا اۋىر زارداپتارعا اكەلگەنى اتاپ ءوتىلدى.
«سونداي-اق، ولاردىڭ الدىن الا كەلىسىم بويىنشا اتىس قارۋى مەن وق-دارىلەردى، سونداي-اق توتەنشە جاعداي جاريالانعان اۋدانداعى تارتىپسىزدىكتەر كەزىندە ءبىر توپ ادامدار الدىن الا ءسوز بايلاسۋ ارقىلى شەنەۋنىكتەر مۇلكىن بۇلدىرۋمەن جانە جويۋمەن زالال كەلتىرگەنى انىقتالدى»، - دەلىنگەن الماتى قالالىق سوتىندا.
جازا تاعايىنداۋ كەزىندە كەلەسى فاكتورلار ەسكەرىلدى:
- سوتتالۋشىلاردىڭ كىناسىن تولىق جانە ءىشىنارا مويىنداۋ;
- سوتتىلىعى جوق;
- تۇلعانىڭ جەكە دەرەكتەرى;
- جاس مولشەرى;
- قۇقىق بۇزۋشىلىق جاساعانعا دەيىنگى جانە ودان كەيىنگى مىنەز-قۇلىق;
- كامەلەتكە تولماعان بالالاردىڭ بولۋى;
- قىلمىستىق قۇقىق بۇزۋشىلىقتىڭ سيپاتى مەن قوعامدىق قاۋىپتىلىك دارەجەسى;
- توتەنشە جاعدايدا قىلمىستىق قۇقىق بۇزۋشىلىق جاساۋ.
سوت ۇكىمىمەن 20 ايىپتالۋشى راقىمشىلىق زاڭىن قولدانۋ ارقىلى 9 ايدان 1 جىل 9 ايعا دەيىن شارتتى تۇردە باس بوستاندىعىنان ايىرىلدى.
راقىمشىلىق زاڭىنىڭ قولدانىلۋىنا بايلانىستى تاعى تورتەۋى جازادان بوساتىلدى.
"ادىرنا" ۇلتتىق پورتالى