Almatyda Qańtar oqıǵasyna qatysqan 25 adamǵa úkim shyǵaryldy, dep habarlaıdy "Adyrna" tilshisi qalalyq sottyń baspasóz qyzmetine silteme jasap.
Olardyń isin Bostandyq aýdanynyń No2 aýdandyq soty qarady. Sot tergeýi barysynda sottalýshylardyń 4-5 qańtar aralyǵynda qalanyń ár jerinde jappaı tártipsizdikterge qatysqany anyqtaldy:
- turǵyn úı, qyzmettik jáne óndiristik úı-jaılarǵa zańsyz kirý arqyly asa iri kólemdegi urlyq jasaǵan;
- iri zalal keltirgen avtokólikterdi urlaǵan;
- qaýipti óndiristik obektiniń, sondaı-aq arnaıy organdar kúzetip otyrǵan basqa da obektilerdiń aýmaǵyna zańsyz engen.
Bul aıtarlyqtaı shyǵynǵa jáne basqa da aýyr zardaptarǵa ákelgeni atap ótildi.
«Sondaı-aq, olardyń aldyn ala kelisim boıynsha atys qarýy men oq-dárilerdi, sondaı-aq tótenshe jaǵdaı jarııalanǵan aýdandaǵy tártipsizdikter kezinde bir top adamdar aldyn ala sóz baılasý arqyly sheneýnikter múlkin búldirýmen jáne joıýmen zalal keltirgeni anyqtaldy», - delingen Almaty qalalyq sotynda.
Jaza taǵaıyndaý kezinde kelesi faktorlar eskerildi:
- sottalýshylardyń kinásin tolyq jáne ishinara moıyndaý;
- sottylyǵy joq;
- tulǵanyń jeke derekteri;
- jas mólsheri;
- quqyq buzýshylyq jasaǵanǵa deıingi jáne odan keıingi minez-qulyq;
- kámeletke tolmaǵan balalardyń bolýy;
- qylmystyq quqyq buzýshylyqtyń sıpaty men qoǵamdyq qaýiptilik dárejesi;
- tótenshe jaǵdaıda qylmystyq quqyq buzýshylyq jasaý.
Sot úkimimen 20 aıyptalýshy raqymshylyq zańyn qoldaný arqyly 9 aıdan 1 jyl 9 aıǵa deıin shartty túrde bas bostandyǵynan aıyryldy.
Raqymshylyq zańynyń qoldanylýyna baılanysty taǵy tórteýi jazadan bosatyldy.
"Adyrna" ulttyq portaly
