ەلەنا رىباكينا ريم ماستەرس ءتۋرنيرىنىڭ چەمپيونى اتاندى

5781
Adyrna.kz Telegram
https://adyrna.kz/content/uploads/2023/05/6fed30c0-dba3-43dc-ab5c-cd59dce411e9.jpeg

قازاقستاننىڭ ءبىرىنشى راكەتكاسى ەلەنا رىباكينا ريم WTA 1000 ءتۋرنيرىنىڭ چەمپيونى اتاندى، دەپ حابارلايدى “ادىرنا” ءتىلشىسى.

ەلەنا رىباكينا فينالدا الەمنىڭ 47-راكەتكاسى، ۋكراينالىق انگەلينا كالينينامەن باس جۇلدەنى ساراپقا سالدى. قارسىلاستار وسىعان دەيىن ءوزارا ءبىر رەت جولىعىپ، وندا ۋكراينالىق تەننيسشى جەڭىسكە جەتكەن ەدى. بۇل جولى انگەلينا كالينينا ماتچتى بىردەن برەيكپەن باستادى – 2:0. دەگەنمەن ەلەنا تارازى باسىن تەڭەستىرىپ، ءوزى العا شىقتى – 4:3. سوسىن ءبىر ساعاتقا جۋىق ۋاقىتقا سوزىلعان سەتتى برەيكپەن ءبىتىردى – 6:4. ەكىنشى پارتيا باسىندا ەسەپ 0:1 بولعاندا، ۋكراينالىق تەننيسشى باسەكەنى جالعاستىرۋدان باس تارتتى. ءبىر ساعات 3 مينۋتقا سوزىلعان ماتچ بارىسىندا ەلەنا رىباكينا 3 ەيسپەن بىرگە 9 برەيك-پوينتتىڭ ەكەۋىن پايدالاندى. قارسىلاسى 1 ەيس، 1 برەيكپەن (3 برەيك-پوينت) شەكتەلدى. وسىلايشا، ەلەنا رىباكينا ءوز سپورتتىق جولىندا العاش رەت ريم ماستەرس ءتۋرنيرىنىڭ چەمپيونى اتاندى. الداعى دۇيسەنبىدە جاڭارتىلاتىن الەمدىك رەيتينگىدە قازاقستاندىق تەننيسشى 4-ورىنعا كوتەرىلەدى.
پىكىرلەر