Qazaqstannyń birinshi raketkasy Elena Rybakına Rım WTA 1000 týrnıriniń chempıony atandy, dep habarlaıdy “Adyrna” tilshisi.
Elena Rybakına fınalda álemniń 47-raketkasy, ýkraınalyq Angelına Kalınınamen bas júldeni sarapqa saldy.
Qarsylastar osyǵan deıin ózara bir ret jolyǵyp, onda ýkraınalyq tennısshi jeńiske jetken edi.
Bul joly Angelına Kalınına matchty birden breıkpen bastady – 2:0. Degenmen Elena tarazy basyn teńestirip, ózi alǵa shyqty – 4:3. Sosyn bir saǵatqa jýyq ýaqytqa sozylǵan setti breıkpen bitirdi – 6:4.
Ekinshi partııa basynda esep 0:1 bolǵanda, ýkraınalyq tennısshi básekeni jalǵastyrýdan bas tartty.
Bir saǵat 3 mınýtqa sozylǵan match barysynda Elena Rybakına 3 eıspen birge 9 breık-poınttyń ekeýin paıdalandy. Qarsylasy 1 eıs, 1 breıkpen (3 breık-poınt) shekteldi.
Osylaısha, Elena Rybakına óz sporttyq jolynda alǵash ret Rım masters týrnıriniń chempıony atandy.
Aldaǵy dúısenbide jańartylatyn álemdik reıtıngide qazaqstandyq tennısshi 4-orynǵa kóteriledi.
