مەدەۋ اۋداندىق №2 سوتى الماتى قالاسى سپورت باسقارماسىنىڭ ەكس-باسشىسى رۇستەم بايسەيىتوۆ پەن ونىڭ قاراماعىنداعىلارعا ۇكىم شىعاردى. ولار 367 ميلليون تەڭگەنى جىمقىرعانى ءۇشىن ايىپتالىپ وتىر، دەپ حابارلايدى «ادىرنا» ءتىلشىسى.
بۇرىنعى باسشى رۇستەم بايسەيىتوۆ 4 جىل 6 ايعا باس بوستاندىعىنان ايىرىلدى.
ول ەندى مەملەكەتتىك قىزمەتتە لاۋازىمدى مىندەتتى اتقارا المايدى.
سونداي-اق الماتى قالاسى سپورت باسقارماسىنىڭ قارجى-شارۋاشىلىق باسقارماسىنىڭ ەكس باسشىسى ايگەرىم بايعونوۆا 3 جىل 6 ايعا، «قازاقستان گولف فەدەراتسياسى» ۇەۇ سپورت مەنەدجەرى ءاليا سماقوۆا 3 جىلعا، «Qazaq Sport» جشس ديرەكتورى ەرجان مۇحامانوۆ 7,5 جىلعا سوتتالدى.
ايتا كەتەيىك، سپورت باسقارماسىنىڭ بۇرىنعى باسشىسى سوتتا ءوز كىناسىن تولىق مويىندامادى.
ۇقساس جاڭالىقتار
