پاۆلودار وبلىسى ەرتىس اۋىلىندا 41 جاستاعى تۇرعىن ورتالىق ستاديون اۋماعىندا ءىش كيىممەن جۇرگەن. كەلگەن پوليتسەيلەرگە ەر ادام ءوزىنىڭ دەسانتشى ەكەنىن جانە ورتالىق ستاديوندى كۇزەتىپ جۇرگەنىن ايتقان، دەپ حابارلايدى «ادىرنا» ءتىلشىسى Polisia.kz-كە سىلتەمە جاساپ.
اۋىل تۇرعىنىنا قاتىستى ۇساق بۇزاقىلىق جاساعانى ءۇشىن قر اقبتك-ءنىڭ 434-بابى 1-بولىگى بويىنشا اكىمشىلىك حاتتاما تولتىرىلدى. ماتەريال سوتقا جىبەرىلدى. ونىڭ شەشىمىمەن 7 تاۋلىك مەرزىمگە اكىمشىلىك قاماۋعا الۋ تۇرىندە اكىمشىلىك جازا قولدانىلدى جانە ءۇش اي مەرزىمگە ەرەكشە تالاپتار بەلگىلەندى.
«سونىمەن قاتار ەر ادام قر اقبتك-ءنىڭ 440-بابى 1-بولىگى "الكوگولدىك ىشىمدىكتەردى ءىشۋ نەمەسە قوعامدىق ورىنداردا ماس كۇيىندە ءجۇرۋ" بويىنشا اكىمشىلىك جاۋاپكەرشىلىككە تارتىلدى»،- دەدى پاۆلودار وبلىسى ەرتىس اۋداندىق پوليتسيا ءبولىمىنىڭ جەرگىلىكتى پوليتسيا قىزمەتى بولىمشەسىنىڭ باستىعى سۇڭعات ابەنوۆ.
