الماتى وبلىسى جاستارىنىڭ كاسىپكەرلىك باستامالارى ءۇشىن جەڭىلدەتىلگەن شاعىن نەسيە بەرۋگە بيزنەس جوبالاردى ىرىكتەۋ جونىندەگى كونكۋرستىق كوميسسيانىڭ العاشقى وتىرىسى ءوتتى. اتالعان باسقوسۋعا كوميسسيا مۇشەلەرى مەن ارنايى باقىلاۋشىلار جانە شاعىن نەسيە الۋعا ءۇمىتتى اۋدان مەن قالادان كەلگەن جاستار قاتىستى.
وتىرىستى الماتى وبلىسى اكىمنىڭ ءبىرىنشى ورىنباسارى نۇرلان ءابدىراحىم جۇرگىزدى. ايتا كەتەيىك، قازىرگى تاڭدا وبلىس بويىنشا 22 جاس بيزنەس جوبالارىن ۇسىنىپ ۇلگەرگەن. جالپى جاستاردىڭ ۇزدىك يدەيالارىن قولداۋعا مەملەكەتتەن 2 ملرد. تەڭگەگە جۋىق قارجى قاراستىرىلعان. جوسپار بويىنشا 375 كاسىپكەرگە نەسيە بەرۋ كوزدەلگەن.
ءتۇرلى باعىتتاعى بيزنەس تۇرلەرىن قولداۋعا ارنالعان نەسيە كولەمى 5 ملن. تەڭگەنى قۇرايدى. مەملەكەتتەن قولداۋ الۋعا ءۇمىتتى جاستاردىڭ ءبىرى بەكزات ادىلبەكوۆا. ول ءوزىنىڭ بيزنەس جوباسىن كوميسسيا مۇشەلەرىنىڭ الدىندا قورعادى. ونىڭ نەگىزگى باعىتى بالاباقشا اشۋ. ىلە اۋدانى تۇيمەباەۆ اۋىلىنىڭ تۇرعىنى اتالعان ايماقتان اۋماعى 360 شارشى مەتر ەكى قاباتتى عيماراتتى دايىنداعان. ەندىگى كەزەكتە ىشكى جيھازدارى مەن اس ءۇي جابدىقتارىن الۋعا جەڭىلدىكپەن نەسيە الۋعا مۇددەلى بولىپ وتىر.
«ەكى قاباتتى عيماراتتتى ءوز كۇشىمىزبەن سالدىق. بۇگىنگى كۇنى بالاباقشا سەكسەن پايىزعا دايىن تۇر. ەندىگى قالعانى ءىشىن جابدىقتاۋ. وسىعان مەملەكەتتەن قولداۋ تاپساق يگى بولار ەدى»،-دەيدى جاس كاسىپكەر بەكزات ادىلبەكوۆا.
كاسىپتەن ءناسىپ تاپقىسى كەلگەندەردىڭ قاتارىندا ەڭبەكشىقازاق اۋدانىنىڭ تۇرعىنى مارجان جۇسىپبەكوۆا دا بار. ول تاڭقۋراي وسىرۋمەن اينالىسپاق.
«5 ملن.تەڭگە قاراجاتقا 16 500 ءتۇپ تاڭقۋراي الۋ ويدا بار. العاشقى جىلى ءبىر گەكتار جەردى جالعا الماقپىن. ءونىمدى كەيىن، ءىرى ساۋدا ورىندارىنا وتكىزەمىن دەگەن نيەتتەمىن. جيدەكتەردى مۇحزداتىلعان كۇيىندە نارىققا ۇسىنسۋدا جوسپاردا بار. العاشقى جىلى ءبىر گەكتار القاپتان 9 ملن. تەڭگەگە دەيىن تابىس تابامىن دەپ وتىرمىن»،- دەيدى مارجان جۇسىپبەكوۆا.
وزىندىك بيزنەس-يدەيالارارىن ارقالاپ كەلگەندەردىڭ باسىم بولىگى مال شارۋاشىلىعىمەن بايلانىستى. ءبىرى جىلقى اسىراسا، ەندى ءبىرى سيىر، قوي باعۋمەن اينالىسقىسى كەلەتىندەرىن جەتكىزدى. باعىن سىناعان جاستار اراسىندا بولاشاقتا جۇك تاسىمالىمەن اينالىسۋدى كوزدەگەندەردە كەزدەستى.
ەستەرىڭىزگە سالامىز، اتالعان جەڭىلدەتىلگەن نەسيە الۋعا مەمەلەكەتتىك بيۋدجەتتىك ۇيىمداردان جالاقى الاتىن جاستار قاتىسا المايدى. شاعىن نەسيە جۇمىسسىز جاستاردى ەڭبەككە تارتۋعا، كاسىپكەرلىكتى قولداۋعا باعىتتالعان.
