Almaty oblysy jastarynyŋ käsıpkerlık bastamalary üşın jeŋıldetılgen şaǧyn nesie beruge biznes jobalardy ırıkteu jönındegı konkurstyq komissiianyŋ alǧaşqy otyrysy öttı. Atalǧan basqosuǧa komissiia müşelerı men arnaiy baqylauşylar jäne şaǧyn nesie aluǧa ümıttı audan men qaladan kelgen jastar qatysty.
Otyrysty Almaty oblysy äkımnıŋ bırınşı orynbasary Nūrlan Äbdırahym jürgızdı. Aita keteiık, qazırgı taŋda oblys boiynşa 22 jas biznes jobalaryn ūsynyp ülgergen. Jalpy jastardyŋ üzdık ideialaryn qoldauǧa memleketten 2 mlrd. teŋgege juyq qarjy qarastyrylǧan. Jospar boiynşa 375 käsıpkerge nesie beru közdelgen.
Türlı baǧyttaǧy biznes türlerın qoldauǧa arnalǧan nesie kölemı 5 mln. teŋgenı qūraidy. Memleketten qoldau aluǧa ümıttı jastardyŋ bırı Bekzat Ädılbekova. Ol özınıŋ biznes jobasyn komissiia müşelerınıŋ aldynda qorǧady. Onyŋ negızgı baǧyty balabaqşa aşu. Ile audany Tüimebaev auylynyŋ tūrǧyny atalǧan aimaqtan aumaǧy 360 şarşy metr ekı qabatty ǧimaratty daiyndaǧan. Endıgı kezekte ışkı jihazdary men as üi jabdyqtaryn aluǧa jeŋıldıkpen nesie aluǧa müddelı bolyp otyr.
«Ekı qabatty ǧimarattty öz küşımızben saldyq. Bügıngı künı balabaqşa seksen paiyzǧa daiyn tūr. Endıgı qalǧany ışın jabdyqtau. Osyǧan memleketten qoldau tapsaq igı bolar edı»,-deidı jas käsıpker Bekzat Ädılbekova.Käsıpten näsıp tapqysy kelgenderdıŋ qatarynda Eŋbekşıqazaq audanynyŋ tūrǧyny Marjan Jüsıpbekova da bar. Ol taŋqurai ösırumen ainalyspaq.
«5 mln.teŋge qarajatqa 16 500 tüp taŋqurai alu oida bar. Alǧaşqy jyly bır gektar jerdı jalǧa almaqpyn. Önımdı keiın, ırı sauda oryndaryna ötkızemın degen niettemın. Jidekterdı mūhzdatylǧan küiınde naryqqa ūsynsuda josparda bar. Alǧaşqy jyly bır gektar alqaptan 9 mln. teŋgege deiın tabys tabamyn dep otyrmyn»,- deidı Marjan Jüsıpbekova.Özındık biznes-ideialararyn arqalap kelgenderdıŋ basym bölıgı mal şaruaşylyǧymen bailanysty. Bırı jylqy asyrasa, endı bırı siyr, qoi baǧumen ainalysqysy keletınderın jetkızdı. Baǧyn synaǧan jastar arasynda bolaşaqta jük tasymalymen ainalysudy közdegenderde kezdestı. Esterıŋızge salamyz, atalǧan jeŋıldetılgen nesie aluǧa memelekettık biudjettık ūiymdardan jalaqy alatyn jastar qatysa almaidy. Şaǧyn nesie jūmyssyz jastardy eŋbekke tartuǧa, käsıpkerlıktı qoldauǧa baǧyttalǧan.
