Bügın Memlekettık qyzmet ısterı agenttıgınıŋ 2023 jyldyŋ jūmys qorytyndysy boiynşa alqa otyrysy öttı.
Oǧan Prezident Äkımşılıgınıŋ ökılderı, Prezident janyndaǧy Memlekettık basqaru akademiiasy, Agenttık janyndaǧy Qoǧamdyq keŋes, Ädep jönındegı komissiia, Servistık memlekettık apparatty qalyptastyru jäne onyŋ qyzmetın biurokratiiadan aryltu jönındegı Konsultativtık-saraptamalyq top müşelerı qatysty.
MQIA töraǧasy Darhan Jazyqbai ötken jyly Agenttıktıŋ barlyq bastamalary Memleket basşysynyŋ memlekettık apparattyŋ adamǧa baǧdarlanǧan jäne servistık modelın qalyptastyru boiynşa qoiǧan mındetterın jüzege asyruǧa baǧyttalǧanyn atap öttı.
Ötken jyly Prezidenttıŋ tapsyrmasyna säikes Memlekettık basqaru akademiiasynyŋ qūrylymynda adami resurstardy basqarudyŋ zamanaui qūraldaryn qoldanatyn arnaiy HR instituty qūryldy.
Darhan Jazyqbai Agenttıktıŋ elımızdıŋ kadrlyq äleuetın arttyru baǧyttarynda ıske asyrylǧan Prezidenttık jastar kadr rezervı jobasy turaly aitty. Üşınşı ırıkteuge qatysuǧa 30 myŋnan astam adam ötınış bıldırdı, būl onyŋ jastar arasyndaǧy joǧary tanymaldylyǧyn körsettı.
Tıkelei taǧaiyndau mümkındıkterıne säikes joǧary oqu ornyn bıtırgen 100-den astam tülek konkurstan tys audandyq jäne auyldyq deŋgeidegı tömengı lauazymdarǧa taǧaiyndaldy, al 300-ge juyq jeke sektordyŋ täjıribelı mamany memlekettık qyzmetke qabyldandy.
Agenttık töraǧasy jas mamandardy memlekettık basqaru jüiesıne tartu jūmystary jalǧasatynyn aitty. Biyl alǧaş ret Öŋırlık jastar kadr rezervterıne ırıkteu jürgızıledı. Irıkteu 7 salalyq baǧyt boiynşa ötedı.
Darhan Jazyqbai «e-Qyzmet» jüiesı boiynşa alty memlekettık organda ötken memlekettık qyzmetke ırıkteudıŋ jaŋa pilottyq jobasynyŋ sättı jüzege asyrylǧandyǧyn aitty. Osylaişa, konkurstarǧa qatysuşylar sanynyŋ artuynda oŋ dinamika baiqalady. Jaŋa jüiemen memlekettık qyzmetke 650-den astam adam qabyldansa, konkurstarǧa qatysqan ümıtkerlerdıŋ sany 5800-dı qūrap otyr. Jaŋa joba boiynşa bır orynǧa qatysuşylardyŋ üles körsetkışı 4,6 adamdy qūrap, qoldanystaǧy ırıkteu tärtıbımen salystyrǧanda qatysuşylardyŋ sany 2,7 esege artty. Biyl jaŋa ırıkteu jüiesın kezeŋ-kezeŋmen barlyq memlekettık organdarǧa engızu josparlanuda.
Memlekettık qyzmette qolaily jaǧdailar jasauǧa baǧyttalǧan bırqatar zaŋnamalyq bastamalar qabyldandy. Basqa öŋırlerge rotasiialanatyn memlekettık qyzmetşılerge rotasiialyq tölemder engızıldı. İkemdı kestelerdı qoldanu jäne qaşyqtyqtan jūmys ısteu Erejesı bekıtıldı, olardy qoldanu praktikasy 72,4%-ǧa ösıp otyr.
Sonymen qatar, memlekettık äkımşılık qyzmetşılerdıŋ basşy jäne atqaruşy qūramynyŋ araqatynasyn aiqyndau qaǧidalary bekıtılıp, «kelısımşarttyq qyzmetşıler» instituty engızıldı.
Alqa otyrysynda memlekettık qyzmetşılerdıŋ qūqyqtaryn qorǧau şaralary baiandaldy. Darhan Jazyqbaidyŋ aituynşa, 2023 jyldyŋ qorytyndysy boiynşa Agenttıkpen 513 memlekettık organda jūmys uaqytynyŋ saqtaluyna monitoring jürgızgıldı, onyŋ nätijesımen 234 memlekettık qyzmetşıge qosymşa demalys uaqyty berılgen.
Sondai-aq 2023 jyly Ädep jönındegı keŋesterdıŋ 195 otyrysy ötıp, onda 1300-den astam mäsele qaralǧany aityldy. Olardyŋ 62% profilaktikalyq sipatta jäne ädep būzuşylyqtardyŋ aldyn aluǧa baǧyttaldy.
Memlekettık qyzmetşılerdıŋ käsıbi jäne tūlǧalyq damuyna erekşe köŋıl bölınedı. «Adal Azamat» ūstanymdary men idealdaryn ılgerıletu, jaŋa basqaru mädenietın qalyptastyru jūmystary bastaldy.
Agenttık qyzmetındegı maŋyzdy baǧyt – memlekettık qyzmet körsetu sapasyna baqylau jürgızu. 2023 jyly 498 tekseru jürgızıldı, proaktivtı monitoring täjıribesınıŋ arqasynda 11 myŋnan astam qūqyq būzuşylyq anyqtaldy. Osyndai şaralardyŋ nätijesınde 360 azamattyŋ qūqyqtary qalpyna keltırıldı.
Alqa otyrysynda memlekettık apparatty biurokratiiadan aryltu boiynşa jūmystyŋ aldyn ala qorytyndylary aityldy. Memlekettık organdarmen bırlesken jūmys nätijesınde 550-den astam biurokratiialyq keister äzırlendı. Ūsynystardyŋ 152-sın ıske asyru üşın zaŋnamalyq deŋgeide şeşımder qabyldaudy qajet etedı.
MQIA janyndaǧy Qoǧamdyq keŋesınıŋ töraiymy Bibıgül Aǧybaeva ötken jyly qoǧamdyq keŋestıŋ 5 otyrysy ötıp, 31 normativtık qūqyqtyq aktıler qaralǧanyn aitty. Öz kezegınde Darhan Jazyqbai Qoǧamdyq keŋes müşelerıne Agenttıktıŋ ıs-şaralaryna belsendı qatysqandary üşın alǧysyn bıldırıp, odan ärı tyǧyz yntymaqtastyqta jūmys jasauǧa şaqyrdy.
Sonymen qatar, alqa otyrysynda Agenttıktıŋ aldaǧy jylǧa arnalǧan jūmys josparlary talqylandy. Olardyŋ qatarynda – memlekettık qyzmettı käsıbilendıru boiynşa jūmysty jalǧastyru, memlekettık apparatty biurokratiiadan aryltu boiynşa zaŋ şyǧaruşylyq qyzmettı küşeitu, jastardy memlekettık qyzmetke tartu jäne odan ärı sifrlandyru prosesterın jetıldıru bar.
QR MQIA Baspasöz qyzmetı
