Memlekettık qyzmet ısterı agenttıgı 2023 jylǧy jūmysyn qorytyndylady.
Alqa otyrysynda Agenttık töraǧasy memlekettık qyzmetşılerdıŋ üsteme jūmys ısteu faktılerınıŋ aldyn alu üşın memlekettık organdardyŋ jūmys rejimıne monitoring jürgızu şaralary turaly aitty.
Memlekettık organǧa barmai jūmys uaqyty rejimınıŋ saqtaluyn monitoringıleu üşın aqparattyq jüielerde körsetılgen mälımetter, Agenttıkke memlekettık organdar ūsynatyn derekter, QBBJ-jüiesınıŋ derekterı, BAQ jäne äleumettık jelılerdegı jariialanymdar qoldanylady.
Memlekettık organǧa baru arqyly jūmys uaqyty rejimınıŋ saqtalu monitoringı memlekettık organdarǧa baru josparyna säikes bır toqsan ışınde kemınde bır ret jüzege asyrylady.
Ötken jyly memlekettık organdardaǧy monitoring nätijesınde anyqtalǧan kemşılıkterge bailanysty 234 memlekettık qyzmetşıge qosymşa tynyǧu saǧattary berılıp,
53 memlekettık qyzmetşınıŋ qūqyqtary qalpyna keltırıldı.
Būdan bölek, Agenttıkpen memlekettık qyzmetşılerdıŋ mansaby men otbasy arasyndaǧy tepe-teŋdıktı saqtau üşın şaralar qabyldandy.
Iske asyrylǧan bastamanyŋ arqasynda ötken jyly memlekettık qyzmetşılerdıŋ belgılı bır sanaty qaşyqtyqtan nemese aralas qaşyqtyqtan, ikemdı jūmys uaqyty rejimınde jūmys ısteuge mümkındık aldy.
Būl şaralar memlekettık qyzmetşılerdıŋ jūmys uaqytyn tiımdı paidalanuǧa oŋ äserın tigızedı.
Osylaişa, ikemdı jūmys uaqytyn paidalanu täjıribesı ötken jyly 72,4% -ǧa östı. 2022 jyly ikemdı kestenı 835 memlekettık qyzmetşı paidalansa, 2023 jyly olardyŋ sany 3024 adamdy qūrady.
QR MQIA Baspasöz qyzmetı
