Memlekettık qyzmetke ırıkteudıŋ jaŋa algoritmı ötken jyly 6 memlekettık organda synaqtan ötkızıldı. Olar Memlekettık qyzmet ısterı agenttıgı, Kölık ministrlıgı, Önerkäsıp jäne qūrylys ministrlıgı, Sauda jəne integrasiia ministrlıgı, Aqmola oblysy jäne Şymkent qalasy äkımdıkterı.
Ötken jyly Memlekettık qyzmet ısterı agenttıgı ırıkteudı tolyq sifrlandyru arqyly «e-Qyzmet» integrasiialanǧan aqparattyq jüiesın jaŋǧyrtu boiynşa jūmystar jürgızdı.
Syrtqy portalda memlekettık qyzmetke jaŋa ırıkteu algoritmı äzırlendı, onda konkurstyq räsımdı ötkızu formaty qaita qaraldy. Konkurstyq räsımnıŋ jaŋa formaty ümıtkerlerge aldyn ala belgılengen uaqytta ötetın äŋgımelesuden basqa barlyq kezeŋderde, kez kelgen uaqytta jäne älemnıŋ kez kelgen nüktesınen konkursqa qatysuǧa mümkındık berdı.
Memlekettık organdarda ötkızılgen 1246 astam konkursqa 5 815 ümıtker qatysyp, onyŋ 652-ı jeŋımpaz retınde tanyldy.
Būl turaly MQIA töraǧasy Darhan Jazyqbai 2023 jyldyŋ qorytyndysy boiynşa ötken alqa mäjılısınde habarlady.
Darhan Jazyqbaidyŋ aituynşa, onlain jüie boiynşa bır orynǧa qatysuşylardyŋ üles körsetkışı 4,6 adamdy qūrap, qoldanystaǧy (1,7 adam) ırıkteu tärtıbımen salystyrǧanda qatysuşylardyŋ sany 2,7 esege artty. Būl, azamattardyŋ jaŋa joba aiasynda memlekettık qyzmetke degen qyzyǧuşylyǧy bırşama artqanyn körsetıp otyr. Biyl jaŋa ırıkteu jüiesın kezeŋ-kezeŋmen barlyq memlekettık organdarda engızu josparlanyp otyr.
Sondai-aq alqa mäjılısınde MQIA basşysy memlekettık qyzmettegı biurokratiialyq kedergılerden aryludyŋ maŋyzdy qūraly retınde kadrlyq prosesterdı odan ärı sifrlandyru boiynşa Agenttıkpen jürgızılıp jatqan şaralar turaly aitty.
«e-Qyzmet» - te barlyq maŋyzdy aqparattyq jüielermen integrasiia jürgızılgenı atap ötıldı. Nätijesınde özge aqparattyq jüielerden ümıtker turaly aqparat alu, onyŋ sottylyǧy nemese özge zaŋ būzuşylyqtarǧa qatysy bar-joǧyn tekseru, bılıktılık talaptaryna sai keluın qarau prosessterı avtomattandyryldy. Ol memlekettık qyzmetke ümıtkerlerdı artyq qūjat jinaudan bosatady.
Sonymen bırge, «E-qyzmet» jüiesınıŋ 24 modulı jaŋartyldy, onyŋ ışınde «Tärtıptık baqylau», «Baǧalau», «Is-saparlar», «Taǧylymdama», «Oqytu» modulderı bar. Jüiege barlyq memlekettık organdar turaly tolyq aqparat engızıldı jäne onyŋ mobildık qosymşasy äzırlendı. Qazırgı uaqytta jüienı paidalanuşylar sany 88 myŋǧa juyq memlekettık qyzmetşını qūraidy.
QR MQIA Baspasöz qyzmetı
