Memleket basshysynyń «Memlekettik apparattyń qyzmetin bıýrokratııadan aryltý jónindegi sharalar týraly» Jarlyǵymen Agenttikke monıtorıng jáne taldaý júrgizý boıynsha fýnkııa júktelgeni málim.
2023 jyldyń qorytyndysy boıynsha ótken alqa otyrysynda Memlekettik qyzmet isteri agenttiginiń tóraǵasy Darhan Jazyqbaıdyń aıtýynsha ótken jyly taldaý saýda jáne ıntegraııa, qarjy, halyqaralyq qatynastar, aýyl sharýashylyǵy, ekologııa jáne tabıǵı resýrstar syndy 5 salalyq baǵyt boıynsha júrgizilgen.
Monıtorıng qorytyndysy boıynsha adam qajettiligine jáne servıstik memlekettik apparatty qalyptastyrýǵa baǵdarlanǵan, sondaı-aq bıýrokratııalyq kedergilerdi azaıtýǵa baǵyttalǵan usynystar ázirlendi.
Atap aıtqanda, olar:
- memlekettiń qatysýy tıimsiz, kvazımemlekettik sektordy qosa alǵanda, 200-den astam uıymdy taratý jáne qaıta uıymdastyrý nemese olardyń fýnkııalaryn básekelestik ortaǵa berý;
- jergilikti atqarýshy organdardyń 70-ten astam fýnkııalaryn tómengi deńgeıge túsirý arqyly ońtaılandyrý;
- 100-ge jýyq qyzmet alý kezindegi tólenetin memlekettik bajdy jáne memlekettik organdarmen salynatyn birqatar aıyppul túrlerin alyp tastaý;
- memlekettik qyzmetterdiń 50 túri boıynsha aqparattyq júıelerdi ıntegraııalaý múmkindigin qarastyrý syndy usynystar.
MQIA basshysy atap ótkendeı, memlekettik organdarmen birlesken jumystyń nátıjesinde memlekettik apparatty bıýrokratııadan aryltý boıynsha 550-den astam keıster daıyndaldy. Usynystardyń 152-sin iske asyrý úshin zańnamalyq deńgeıde sheshimder qabyldaýdy qajet etedi.
Máselen, osyndaı zańnamalyq bastamalar oblystyq jáne aýdandyq mańyzy bar qalalardaǵy jer komıssııasy ınstıtýtyn qysqartýǵa múmkindik berdi. Bul óz kezeginde qyzmet berýshilerdiń jaýaptylyǵyn arttyrýǵa jáne qyzmet kórsetý proessteri men merzimderiniń qysqarýyna áser etedi.
Darhan Jazyqbaı aldaǵy ýaqytta ákimshilik kedergilerdi jáne bıýrokratııalyq áýre-sarsańnyń joıylýyn qamtamasyz etetin arnaıy zań jobasyn ázirleý qajettiligin atap ótti. Onyń aıtýynsha bıyl servıstik memlekettik apparatty qalyptastyrý jáne ony bıýrokratııadan aryltý máseleleri boıynsha zań jobasyn ázirleý josparlanyp otyr.
2024 jyly kólik, ónerkásip jáne qurylys salalarynda bıýrokratııadan aryltý boıynsha taldaý jumystary júrgiziletindigi atap ótildi.
QR MQIA Baspasóz qyzmeti
